د چارچۆڤێ بەردەوامیا پەیوەندیێن ئەکادیمی و زانستى، ئەڤڕۆ ڕێکەفتی ١٧-٥-٢٠٢٦، شاندەکێ زانکویا جیهان-دهۆک ب سەرۆکاتیا بەڕێز (پ.د. زیرڤان عبدالمحسن أسعد) سەرۆکێ زانکویێ، و ب بەرهەڤبوونا هژمارەکا سەرۆک بەش و مامۆستایان، سەرەدانا بارەگایێ ئێکەتیا مامۆستایێن کوردستانێ / لقێ دهۆک کر و ژ لایێ بەڕێز (سەروەر ڕەئووف) سەرۆکێ ئێکەتیێ و ستافێ دگەل دا ب گەرمی هاتنە پێشوازیکرن.

د دیدارەکێدا، سەرۆکێ زانکویێ پیرۆزباهی ئاراستەی ئێکەتیا مامۆستایان کرن ب هەلکەفتا سالڤەگەرا دامەزراندنا وێ، و دەستخۆشی ل کار و پێنگاڤێن ستافێ نوى کر بۆ ئەو پشتەڤانی و هەماهەنگییا دگەل سازیێن پەیوەندیدار ئەنجام ددەن ژ پێخەمەت خزمەتکرنا مامۆستایان. هەروەسا دوپاتکر کو زانکو یا بەرهەڤە بۆ پێشکەشکرنا هەر پشتەڤانیەکێ بۆ تەخا مامۆستایان د بوارێ پێگەهاندن و پێشڤەبرنا شیانێن وان یێن زانستی و ئەکادیمی دا.