سمیناره‌ك ژلایێ به‌رێز (پ.د.زیرڤان عبدالمحسن اسعد) سه‌رۆكێ زانكویێ هاته پێشكێشكرن
رێزبه‌ندیا پیڤه‌رێن ڤه‌كولینێن (ئه‌لپه‌ر – دۆگه‌ر) د سمیناره‌كێ دا هاتنه گه‌نگه‌شه‌كرن:
ئه‌ڤرۆ رێكه‌فتى (10/2/2024) سمیناره‌ك ژلایێ به‌رێز (پ.د.زیرڤان عبدالمحسن اسعد) سه‌رۆكێ زانكویێ هاته پێشكێشكرن ل دۆر رێزبه‌ندیا پیڤه‌رێن ڤه‌كولینێن (ئه‌لپه‌ر – دۆگه‌ر) یا ڤه‌كوله‌ران (Alper-Doger Scientific Index Ranking)، كو ده‌ستپێشخه‌ریه‌كا پێشه‌نگه د هه‌لسه‌نگاندن و ناساندنا ڤه‌كولینێن زانستى، ئه‌ڤ پیڤه‌ره ژلایێ پسپۆرێن پێشه‌نگێن ئه‌كادیمى و زانستى یێن داتایان گرنگى پێ دهێته دان، و ستاندارده‌كى بۆ ده‌ستنیشانكرن و نیاسینا به‌شداریا زانایان د چه‌ندین بواراندا پێك دهینیت.
ئیندێكسا ڤه‌كولینیا زانستى یا (ئه‌لپه‌ر – دۆگه‌ر) پێتڤیا بكارئینانا ئه‌لگوریتم و میتودولوژیا یا پێشكه‌فتنى بۆ شرۆڤه‌كرن و پۆلینكرنا به‌رهه‌مێ زانستى یێن ڤه‌كوله‌ران دابین دكه‌ت ب رێیا رێبازه‌كا فره‌ره‌هند یێن ئه‌گه‌رێن وه‌ك ئاماژێن به‌لافكرى، تۆرێن هه‌ڤكارى و ده‌ستكه‌فتێن ئه‌كادیمی یێن زانایان لبه‌رچاڤ وه‌ردگریت,
ئه‌ڤ پیڤه‌ره هه‌لسه‌نگاندنه‌كا گشتگیر و هویر بۆ كاریگه‌ری و به‌شداریكرنا ڤه‌كۆله‌ران د بوارێن وان دا پێشكێش دكه‌ت، سمینار ژ بوارێن جورا و جور پێك دهێن، ژ وان په‌گراوندنێ و پێشڤه‌برن و هنده‌ك گورانكارى د پێوه‌رێن AD، بۆ نموونه وه‌لاتێ عیراقێ وه‌كو نموونه‌یه‌ك د لیستا به‌رزرترین 100 وه‌لات و ده‌زگایێن سه‌ره‌كى ل جیهانێ.
بكورتى ئیندێكسێ ڤه‌كولینا زانستى (ئه‌لپه‌ر – دۆگه‌ر) بۆ زانایان نوینه‌راتیا گورانكاریا دكه‌ت د چاوانیا هه‌لسه‌نگاندنا ده‌زگایێ زانستى و دانپێدان ب جیاوازیا زانستى، چونكه دشێت پێشكه‌فتنا موورالى (معنوی) پێشكێش بكه‌ت ب رێیا تێكه‌لكرنا شرۆڤه‌یێن داتایێن پێشكه‌فتى دگه‌ل پێگیرى ب دادپه‌روه‌رى و شه‌فافیه‌تێ.
