كولیژا یاسا گەشتەكا زانستی ئەنجامدا بۆ رێڤەبەریا بەرهەنگاربوونا توندوتیژیێ دژی ئافرەت و خێزانێ ل پارێزگەها دهوكێ

روژا سێشەمبی رێككەفتی (29/10/2024) كولیژا یاسا ل زانكویا جیهان - دهوك ب سەرپەرشتیا راگرێ كولیژێ پروفیسورێ هاریكار (د.رێبەر حسێن یوسف) و ماموستا (د.محمود مراد) گەشتەكا زانستی ئەنجامدا بۆ رێڤەبەریا بەرهەنگاربوونا توندوتیژیێ دژی ئافرەت و خێزانێ ل پارێزگەها دهوكێ بۆ پتر رازوەستیانیێ لسەر لایەنێ پراكتیكی ،وهاتنە پێشوازی كرن ژلایێ بەرێز (عقید ابراهیم سالم بهجت) رێڤەبەرێ بەرهەنگاربوونا توندوتیژیێ دژی ئافرەت و خێزانێ ل پارێزگەها دهوكێ، پاشان ژلایێ كارمەند و ئەڤفسەرێن رێڤەبەریێ ڤە كار و ئەركێ ڤێ رێڤەبەریێ بۆ قوتابیان هاتە شلوڤەكرن ب تێرو تەسەلی و هەروەسا ژلایێ قوتابیان ڤە چەندین پرسیار هاتنە ئاراستە كرن بۆ كارمەندێن رێڤەبەریێ لسەر چەوانیا ئەنجامدانا كارێ وان و بەرسڤ لسەر هاتە دان ژلایێ ئەفسەر و كارمەندان ڤە.

بۆ زانین رێڤەبەریا بەرهەنگاربوونا توندوتیژیێ دژی ئافرەت و خێزانێ ل پارێزگەها دهوكێ رولەكێ كاریگەر و گرنگ هەیە د پاراستنا ئافرەت و ئەندامێن خێزانێ ژ توندوتیژیێ، و پشتی دامەزراندنا ڤێ رێڤەبەریێ ب رێكا هوشیاریێ و وەرگرتنا سكالا و راوێژكاریێ كارەكێ مەزن و گرنگ بۆ خزمەتا جڤاكی ئەنجامدایە.

لدوماهیێ راگرێ كولیژا یاسا سوپاسی وپێزانینێن زانكویا جیهان گەهاندە رێڤەبەریا ناڤبری بۆ پێشوازی و ماندیبوونا وان.