ل ڕێکەفتی 20ێ نیسانا 2026، کۆلیژا پەرستاری ل زانکۆیا جیهان-دهۆک ب سەرپەرشتیا ڕاگرا کۆلیژێ دکتۆرە "لەیلا محمد صالح" سەرەدانەکا زانستی بۆ کۆلیژا پەرستاری ل زانکۆیا دهۆکێ ئەنجامدا. ل دەمێ گەهشتنێ، شاندێ زانکۆیا ناڤبری ژ لایێ ڕاگرێ کۆلیژێ دکتۆر "ئەحمەد محمد صالح" و هاریکارێ ڕاگری د."ئەیوب عبید" ڤە هاتنە پێشوازیکرن.

د درێژیا سەرەدانێ دا، گەریانەکا گشتی بۆ قوتابیان د ناڤ پشک و تاقیگەهێن کۆلیژێ دا هاتە ئەنجامدان، ژ وان ژی: تاقیگەهێن پەرستاری، تاقیگەها مایکڕۆبایۆلۆژی، تاقیگەها کیمیایێ، تاقیگەها کۆمپیوتەری، دگەل پەرتووکخانێ. ل دوماهیا سەرەدانێ، کۆمبوونەک د ناڤبەرا ستافێ ئەکادیمی یێ هەردوو لایەنان دا هاتە گرێدان، تێدا گەنگەشە ل سەر بێهێزکرنا پەیوەندیێن زانستی و هەماهەنگیێن ئەکادیمی د ناڤبەرا هەردوو زانکۆیان دا هاتە کرن