پشكدارییا زانستى یا سەنتەرێ ڕاوێژ  و ڤەکۆلینان – زانکۆیا جیهان - دهۆک د کۆنفرانسەکا زانستى یا نێڤدەولەتى دا

سەنتەرێ ڕاوێژ و ڤەکۆلینان – زانکۆیا جیهان - دهۆک پشکدارى کر د چالاکییێن کۆنفرانسێ زانستى یێ نێڤدەولەتى یێ ب ناڤێ: «تاوانا جینۆسایدێ و بجهئینانا دادوەریا نێڤدەولەتى: بەلگەکۆمکرن و لێپرسین – تاوانێن چەتەیێن داعشێ یێن تیرۆریستى بەرامبەر پێکهاتەیا ئێزیدى وەک نموونە»، یێ کو ل باڵەخانەیا کولیژا یاسایێ – زانکۆیا بەغدا/ وەزیرییە ل رێکەفتی 9ێ کانونا ئێکێ 2025، ژ لایێ کولیژا یاسایێ/ زانکۆیا بەغدا ب هەڤکاریا دگەل کولیژا یاسا و سیاسەتێ/ زانکۆیا ئیمام جەعفەرێ سادق (علیه السلام) هاتە گێڕان.

و پشكدارییا سەنتەرى ب رێکا بەرپرسێ سەنتەری د. دزوار ئەحمەد پیرامێس بو، یێ کو ڤەکۆلینەکا زانستى پێشکێش کر ب ناڤێ: «د ناڤبەرا دانپێدان و پشتگوهڤەهاڤێتنێ دا: هەلسەنگاندنا یاسایا رزگاربوویێن ئێزیدیان د قەرەبووکرنا زیانێن جینۆسایدێ ل عیراقێ دا ل گۆر پێوەرێن نێڤدەولەتى».

کۆنفرانسێ پشكدارییەکا چالاک یا دکتۆر دزوار ئەحمەد پیرامێس عەمۆ ب خۆڤە گرت، چونکو کورتەیەکا زانستى یا ڤەکۆلینێ د دانیشتنێن کۆنفرانسێ دا هاتە پێشکێشکرن، و پشکدارى کر د گۆتووێژێن زانستى دا یێن کو ئالییێن یاسایى و مرۆڤایەتى یێن تاوانێن جینۆسایدێ گۆتووێژکرن، ب تایبەت تاوانێن بەرامبەر پێکهاتەیا ئێزیدى هاتینە ئەنجامدان، ل گۆر رێسایێن یاسایا نێڤدەولەتى و پێوەرێن نێڤدەولەتى یێن مافێن مرۆڤى.

و ئەڤ پشكدارییە دهێت د چارچۆڤێ پەرۆشیا سەنتەرێ شێور و ڤەکۆلینان – زانکۆیا جیهان دهۆک ل سەر پشتەڤانیکرنا ڤەکۆلینا زانستى یا تایبەت، و بهێزکرنا ئامادەبوونا ئەکادیمى یا زانکۆیێ د کۆنفرانسێن زانستى یێن نێڤدەولەتى دا، ب شێوەیەک کو د خزمەتا پرسێن مرۆڤایەتى دا پشكداریێ بکەت و پرنسیپێن دادوەریا و سەرەوەرییا یاسایێ بنەجهبکەت.