ل روژا سێشه‌مبى رێكه‌فتى (27/1/2026) ب پالپشتى وچاڤدێریا به‌رێز پروفیسور (د.زێره‌ڤان عبدالمحسن ئه‌سعه‌د) سه‌روكێ زانكویا جیهان - دهوك، رێوره‌سمێن ڤه‌كرنا دادگه‌ها نمونه‌یى ل كولیژا یاسا هاتنه‌ برێڤه‌برن، ئه‌وژى ب ئاماده‌بوونا هه‌ر ئێك ژ به‌رێزان دادوه‌ر (زیرك محمد صدیق) ژ دادگه‌ها تێهه‌لچوونا دهوكێ و دادوه‌ر (طارق رمضان صالح) ژ دادگه‌ها به‌رایى یا سێمێلێ و دادوه‌را ڤه‌كولینێ (پەروین عبدالرحمن أسود) هه‌روه‌سا سه‌روكا داواكاریا گشتى ل دهوكێ رێزدار (هەدار عبدالمجید حسن)، هه‌روه‌سا ب ئاماده‌وونا زور به‌رێز عه‌مید (سعد عمر مجید) رێڤه‌به‌رێ پولیسێن پارێزگه‌ها دهوكێ، دگه‌ل سه‌روكێ سه‌ندیكا پارێزه‌رێن كوردستانێ لقێ دهوك به‌رێز پارێزەر (دلێر بكر). هه‌وره‌سا ب ئاماده‌بوونا هژماره‌كا پارێزه‌ر و ماموستا و قوتابیێن كولیژا یاسا.

پشتى بخێرهاتنا مێهڤانان وڤه‌كرنا داگه‌ها نمونه‌یى رێوره‌سمێن دادگه‌هكرنه‌كا نمونه‌یى لدوور تاوانا دزیێ هاتنه‌ ده‌ستپێكرن ژلایێ هژماره‌كا قوتابیێن كولیژا یاسا ڤه‌ و ب سه‌رپه‌رشتیا پارێزه‌ر (د.صادق عبدالرحمن).

هه‌ژى گوتنێ یى كۆ دادگەها نمونەیی دهێتە هژمارتن ئێك ژ گرنگترین چالاكیێن زانستی وپراكتیكی ل كولیژا یاسایێ ل زانكویا جیهان - دهوك، كۆ ئارمانج ژێ پراكتیزەكرنا ژیوارێ دادگەریە برێكا راهێنانا قوتابیان لسەر پێرابوونێن یاسایی ودادگەری و پێشڤەبرنا شیانێن وان دڤی بواری دا.

دادگەها نمونەیێ پێك دهێت ژ نمایشكرنا دانیشتنێن دادگەهێ بەرامبەر ماموستایێن بسپور یان پارێزەر یان دادورەان، ئەوژی برێكا دابەشكرنا رولێن دادگەری لسەر قوتابیان وەك (دادوەر، داواكارێ گشتی، پارێزەر، دیدەڤان، نڤیسەر). وئەڤ نمایشە دهێتە ئەنجامدان لسەر داوایەكا راستەقینە.

ئارمانج ژڤێ چالاكیێ:

1. پێشڤەبرنا ئاست و شیانێن قوتابیان ژبۆ ڤەكولین وشلوڤەكرنا دەقێن یاسایی وجێبەجێكرنا وان.

2. پێشڤەبرنا شیانێن دادگەری ب نڤێسین و ئاخفتن.

3. دیاركرنا پێرابوونێن دادگەهكرنێ یێن تاوانی و مەدەنی و كارگێری بۆ قوتابیان.

4. چەسپاندنا تێگەهێن دادپەروەری ودەستپاكی وبەرپرسیارەتیا پیشەیی.

5. پێكڤەگرێدانا لایەنێ تیوری یێ خاندنا یاسایێ ب لایەنێ پراكتیكی ڤە.