قوتابیێن زانستێن کومپیوتەرى ل رێڤەبەریا پولیسێن پارێزگەها دهوکێ:
ئەڤرۆ رێکەفتى (9/2/2021) بەشێ زانستێن کومپیوتەرى ب ئامادەبوونا سەرۆک بەش و هژمارەکا ماموستایان و ب هەماهەنگى دگەل لژنا زانکویا جیهان یا ئێکەتیا قوتابیێن کوردستانێ رابووینە ب ئەنجامدانا گەشتەکا زانستى بۆ رێڤەبەریا پولیسێن پارێزگەها دهوکێ ب مەرەما پتر ئاگەهدار بوون ل دۆر سیستەمێن ئەلکترونی یێن دەزگایێ ناڤبرى و چاوانیا سەرەردەرى کرن دگەل کێشە و ئاریشە و تاوانێن جودا جودا یێن د هێنە ئەنجامدان و چاوانیا کونترولکرنا هەر رویدانەکێ د ماوەیەکێ کورتدا و ب شێوەیەکى سەرکەفتى.
ل دەستپێکێ بەرێز (عەمید شەعلان احمد) رێڤەبەرێ پولیسێن پارێزگەها دهوکێ خۆشحالیا خۆ دەربرى ژ بۆ دەستپێشخەریا زانکویا جیهان ژ بۆ پێگەهاندنا قوتابیان د بوارێ پراکتیتکى دا و بەشێن رێڤەبەریێن راسپاردن ژ بۆ ئەنجامدانا ئاسانکاریا بۆ قوتابیان.
پاشان د تەوەرەکێ دى دا ب نوینەراتیا سەرۆکاتیا زانکویا جیهان-دهوک پەیڤەک هاتە خواندن ژلایێ نوینەرێ بەرێز (هژار علی) رێڤەبەرێ کارگێرى و خویەتى و سوپاس و ستایشا رولێ بەرچاڤ یێ رێڤەبەریا ناڤبرى کر ژ بۆ ماندیبوون و خزمەتا وان یا بەردەوام د پاراستنا ئارامى و سلامەتیا خەلکى دا ل کاودانێن جودا جودا.
پاشان بەرێز (مقدم هێمن سلیمان) پەیڤدارێ رێڤەبەریا پولیسان ئاماژە ب چەندین تەوەرێن گرنگ کر ژ وان چاوانیا سەرەدەرى کرن دگەل تەکنولوجیا سەردەم بتایبەت تورێن جڤاکى (سوشیال میدیا) و کارتێکرنا وێ ژلایێ نەرێنى لسەر جڤاکى.
د تەوەرێ سێ دا سمینارەک ژلایێ بەرێز (نەقیب خالد ابراهیم) ل دۆر سیستەمێ دهێتە بکارئینان ل دەمێ رویدان و تاوان دهێنە ئەنجامدان کو جهێ رێز و سوپاسیێ یە خودان بەهرەیەک شیایە سیستەمەکێ ب ڤى شێوەى دروست کەت کو سەرانسەرى هەرێما کوردستانێ مفا ژێ بهێتە وەرگرتن.
ل دوماهیێ گەریانەک دناڤا پشکێن رێڤەبەریێ هاتە ئەنجامدان ژ بۆ پتر شارەزابوون لسەر چاوانیا مفا وەرگرتن ژ سیستەمێن کومپیوتەرى یێن پراکتیکى.
پاشان لوگویێ رێزلینانێ یێ زانکویا جیهان بۆ سمینارگێرى هاتە پێشکێشکرن ژ بۆ وێ خزمەتا بەرچاڤ ئەنجامدایى.