ل رێكه‌فتى (26/2/2025) ماموستایێن به‌شێ په‌روه‌ردا گشتى پشكا ده‌روونناسى، ب مه‌ره‌ما ئاگه‌هداربوون لسه‌ر ئه‌نجامدانا مه‌شق و راهێنانێ ژلایێ قوتابیێن قوناغا چوارێ ل پشكا ده‌روونناسى سه‌ره‌دانا نه‌خۆشخانا ئازادى پشكا ده‌روونى كر و ل نێزیك ئاگه‌هدارى ب رێڤه‌چوونا راهێنانا قوتابیان بوون، و سه‌رپه‌رشتیا كارێ وان كر ل دۆر شێوازێ سه‌ره‌ده‌ریكرن دگه‌ل نه‌خۆشان، و بكارئینانا ئامیرێن پشكا ده‌روونى ل نه‌خۆشخانا ئازادى، ژلایه‌كێ دى باس ل چه‌ندین میكانزم و رێكێن هه‌ڤدیتنا قوتابیان دگه‌ل نه‌خۆش و خه‌لكى هاته‌ كرن. مه‌شق و راهێنان یا قوتابیێن قوناغا چوارێ ل به‌شێ په‌روه‌ردا گشتى ئێك ژ پێتڤیێن ده‌رچوونێ یه‌ كو ماوێ 45 رۆژان پێتڤیه‌ ل جهێن تایبه‌تمه‌ند یێن پسپۆریێن په‌روه‌رده‌یى و ده‌روونى راهێنانێ ئه‌نجام بده‌ن، و پاشان ژلایێ سه‌رپه‌رشتێن پیشه‌یى، و زانستى دهێنه‌ هه‌لسه‌نگاندن ل دویف چه‌ند پیڤه‌ران.