قوتابیێن کولیژا یاسا ل زانکویا جیهان-دهوک، دبنە چاڤدێر لسەر پروسێسا هەلبژاردنان.
بۆ ئێکەمین جار لسەر ئاستێ زانکویان، قوتابیێن کولیژا یاسا ل زانکویا جیهان-دهوک، دبنە چاڤدێر لسەر پروسێسا هەلبژاردنان.
ل روژا پێنچشەمبی رێکەفتی (6/11/2025) كولیژا یاسا ل زانكویا جیهان-دهوك ب ههماههنگی دگهل دهستهیا سهربخۆ یا مافێ مرۆڤی ل دهوكێ خولەكا راهێنانێ ئەنجامدا بۆ هژمارەكا قوتابیێن كولیژا یاسا و فەرمانبەرێن دەستەیا سەربەخو یا مافێن مروڤی
لدهوكێ لدوور (چاڤدێریا هەلبژاردنێن ئەنجومەنێ نینەرێن ئیراقێ بۆ سالا 2025).
ئەڤ خولە هاتە ئەنجامدان بسەرپەرشتیا هەر ئێك ژ راگرێ كولیژا یاسا ل زانكویا جیهان - دهوك پروفیسورێ هاریكار (د.رێبەر حسێن) و سەروكێ دەستەیا مافێن مروڤی ل دهوكێ بەرێز (دلێر عبدالله)، كو بۆ ئێكەمین جار دێ قوتابیێن كولیژا یاسا ل زانكویا جیهان - دهوك ببنە چاڤدێر لسەر پروسێسا هەلبژاردنان.
هەژی گوتنێ یە كۆ خولا راهێنانێ هاتە پێشكێشكرن ژلایێ هەر ئێك ژ راهێنەران بەرێز (سەربەست مصطفى رشيد/ بەرپرسێ كومسیونا هەلبژاردنێن ئیراقێ یێ بەرێ و سەروكێ رێكخراوا ستیپ بۆ دیموکراسی وهەلبژاردنان) و مافپەرورە بەرێز (دلگەش صادق).
دڤێ وورکشوپێ دا ژ بلی فەرمانبەرێن چاڤدێر یێن نڤیسینگەها پارێزگەها دهوک یا مافێن مروڤی و قوتابیێن چاڤدێر یێن کولیژا یاسا ل زانکویا جیهان-دهوك، فەرمانبەرێن چاڤدێر یێن هەردوو نڤیسینگەهێن مافێن مروڤی ل قەزا ئاکرێ و ئیدارەیا سەربخۆ یا زاخۆ ژی پشکداربوون.
مەرەما سەرەكی ژڤێ خولێ ئاشناكرنا بەشداربوویان بۆ ب یاسا و رێنمایێن تایبەت ب چاڤدێریا هەلبژاردنان و چەوانیا ئەنجامدانا چاڤدێریێ لسەر پروسێسا هەلبژاردنان.
