ل رێکەفتی ٣٠/٤/٢٠٢٦، دوو قوتابیێن بەشێ شیکاریا نەخۆشیان ل زانکۆیا جیهان-دهۆک ب ناڤێن (لاوین جرجیس و سکڤان سلام)، پشکداری د چالاکیێن "ئێکەم کۆنفرانسێ زانستی یێ سالانە یێ قوتابیێن قۆناغا دویماهیێ" (1st Annual Senior Science Conference) دا کر، یێ کو ژ لایێ زانکۆیا زاخۆ ڤە هاتبوو رێکخستن. ئەڤ پشکداریە ب سەرپەرشتیا (م. هـ. هێلین مصطفى) بڕیاردەرا بەشێ سڕکرنێ هاتە ئەنجامدان.

هەردوو قوتابیان ڤەکۆلینەک زانستی ل ژێر ناڤونیشانێ:
‏"Prevalence and Clinical Manifestations with Different methods for Detection of Helicobacter pylori Infection in Gastrointestinal Disorders in Duhok, Iraq"

پێشکێشکر، کو تێدا باس ل رێژەیا بەلاڤبوونا بەکتریایێ مەعیدێ (H. pylori) و نیشانێن کلینیکی یێن وێ هاتبوو کرن. ڤەکۆلینێ تیشک ئێخستە سەر هەڤبەرکرنا رێبازێن جودا یێن تاقیگەهێ بۆ دەستنیشانکرنا ڤێ بەکتریایێ ل دەف نەخۆشێن کۆئەندامێ هەرسێ ل پارێزگەها دهۆکێ. هەروەسا گرنگیا نوژداری یا ڤێ جۆرە بەکتریایێ و رۆلێ دەستنیشانکرنا دروست د باشترکرنا پلانێن چارەسەریێ و خۆپاراستنێ دا هاتە شرۆڤەکرن.