ل رێكه‌فتى 20/5/2024، كولیژا په‌رستارى ل زانكویا جیهان-دهوك، ب سه‌رپه‌رشتیا د.لیلى محمدصالح، گشته‌كا زانستى بۆ قوتابیێن قوناغا ئێكێ رێكخست بۆ تاقیگه‌هێن ئه‌نه‌تۆمى یا كولیژا پزیشكى ل زانكویا دهوك، ب مه‌ره‌ما پێشڤه‌برنا شیانێن قوتابیان ل دۆر شێوازێ ڤه‌كرنا لاشى و پشكنینا ناڤه‌رۆكا جه‌سته‌یێ مرۆڤان، و چاوانیا مفا وه‌رگرتن ژ لاشێ دهێته‌ ته‌رخانكرن بۆ بابه‌تێ ئه‌نه‌تومى.
پاشان گه‌ریانه‌ك ل ناڤا پشكێن تاقیگه‌هێ دا كرن، و لنێزیك ئاگه‌هدارى چاوانیا برێڤه‌چوونا كارى و شێوازێ پراكتیكى یێ كارى، هه‌روه‌سا ده‌رفه‌ته‌كه‌ بۆ ئاماده‌كرنا راپورت و ئه‌نجامدانا ڤه‌كولینان ل پاشه‌رۆژێ د بوارێ پسپوریا په‌رستاریێ دا.