ل رێكه‌فتى 26/2/2024 ب ئاماده‌بوونا به‌رێز وه‌زیرێ خواندنا بالا و ڤه‌كولینێن زانستى ل حكومه‌تا هه‌رێما كوردستانێ و ب پشكداریا هژماره‌كا ماموستا و پسپورێن زانكویێن حكومى و تایبه‌ت ل هه‌رێما كوردستانێ، ب نوینه‌راتیا زانكویا جیهان-دهوك به‌رێز (د.ریبر حسین یوسف) به‌شداربوو ووركشوپه‌كى دا ل ژێر ناڤ و نیشانێن (نه‌خشه‌ رێكا وه‌زاره‌تا خواندنا بالا و ڤه‌كولینێن زانستى بۆ به‌رهنگاربوونا مادێن هۆشبه‌ر و كارتێكرنێن ده‌روونى).
گه‌نگه‌شه‌ لسه‌ر چه‌ندین ته‌وه‌ر و بابه‌تێن گرێدایى چاوانیا به‌رهنگاریا مادێن هۆشبه‌ر هاته‌ كرن د جڤاكى دا ب شێوه‌یه‌كێ گشتى و زانكویان ب شێوه‌یه‌كێ تایبه‌ت د بوارێن یاسایى، ده‌روونى، میدیایى، و خواندنێ، هه‌روه‌سا جه‌خت لسه‌ر ده‌ستنشانكرنا ئه‌ركێن زانكویا د بلندكرنا هۆشیاریا جڤاكى د به‌رهنگاربوونا مه‌ترسیێن مادێن هۆشبه‌ر دا.