بەشداریا زانكویا جیهان - دهوك د کۆربەندەکێ نیڤدەولەتی دا ل وەلاتێ چینێ، ل ژێر ناڤ و نیشانێن”بەرهنگاریبوونا مادەیێن وزەبەخش یێن وەرزشی ل ولاتێن تازە پێگەهشتی دا”
د پەراوێزا بەشداریا زانكویا جیهان - دهوك د کۆربەندەکێ نیڤدەولەتی دا ل وەلاتێ چینێ، ل ژێر ناڤ و نیشانێن”بەرهنگاریبوونا مادەیێن وزەبەخش یێن وەرزشی ل ولاتێن تازە پێگەهشتی دا” بەرێز پروفیسورێ هاریکار (د.رێبەر حسێن یوسف) راگرێ کۆلیژا یاسا بەشداری چەندین تەوەر و دان وستاندنێن جودا یێن ڤی كوبەندی بوو كۆ یێ تەرخانكریبوو ژبو دیاركرنا ئەزموونا وەلاتێ چینێ ژلایێ یاسایی ڤە ژبو بەرهنگاریكرنا ماددێن وزە بەخش و كارتێكرنا ڤێ چەندێ لسەر پێشڤەچوونا وەرزشا چینی ل سەرانسەری جیهانێ. دهەمان دەم دا راگرێ کۆلیژا یاسا چەندین تیشک بەردانە سەر هەلویستێ یاسایێن هەرێما کوردستانێ و عیراقێ لدوور ڤی بابەتی.
هەروەسا ژلایێ پراکتیکی ڤە سەرەدانا چەندین زانکو و دەزگەهێن ئەکادیمی و زانستی هاتە کرن ژوان، زانکویا (نانجینگ) و کەمپەسا ئولومپی ل باژێڕێ (نانجینگ) و موزەخانا وەرزشی ل باژێرێ (شانگهای).
