زانكویا جیهان-دهۆك سێ رێكه‌فتنامه‌یێن لێكتێگه‌هشتنێ ئیمزاكرن  ل رێكه‌فتى (4/9/2024) زانكویا جیهان-دهۆك ب ئاماده‌بوونا به‌رێز (پ.د.زیرڤان عبدالمحسن أسعد) سه‌رۆكێ زانكویێ، و به‌رێز (پ.د.بیار محمدرشید عمر) هاریكارێ سه‌رۆكێ زانكویێ بۆ كارۆبارێن زانستى، ل ژێر ناڤ و نیشانێن سازیێن خواندنا بالا و كه‌رتێ په‌روه‌ردێ تمامكه‌رێن ئێكن، سێ رێكه‌فتنامه‌یێن هه‌ڤكارى و لێكتێگه‌هشتنێ هاتنه‌ ئیمزاكرن دناڤبه‌را به‌شێن (كارگێرى كار، ژمێریارى، زانستێن كومپیوته‌رى) ل زانكویا جیهان-دهۆك، و هه‌مان به‌ش ل په‌یمانگه‌ها (ڕەند یا تایبەت) ل دهۆکێ، ب ئاماده‌بوونا سه‌رۆك به‌شێن هه‌رسێ به‌شان، ب پشكداریا هژماره‌كا ماموستایێن هه‌ردوولا، ب مه‌ره‌ما مفا وه‌رگرتن ژ شیانێن هه‌ڤدوو، و لێكگوهارتنا هزر و كار و خزمه‌تێن زانستى و ئه‌كادیمى، و ئه‌نجامدانا چالاكیێن هه‌ڤپشك، و دابینكرنا ده‌رفه‌تێن خواندنێ بۆ ده‌رچوویێن په‌یمانگه‌ها ناڤبرى ل كۆلیژ و به‌شێن زانكویێ دگه‌ل ئه‌نجامدانا ئاسانكاریێن وه‌رگرتنێ.