روژا سێشەمبی رێككەفتی (25/2/2025) قوتابیێن قوناغا دووێ یێن کولیژا یاسا ل زانکویا جیهان - دهوك ب سەرپەرشتیا راگرێ كولیژێ پروفیسورێ هاریكار (د.رێبەر حسێن یوسف) و ماموستا (دلێر عبدالله) رێڤەبەرێ نڤێسینگەها مافێن مروڤی ل دهوكێ سەرەدانەكا زانستی ئەنجامدا بۆ رێڤەبەریا هاتنوچوونا پارێزگەها دهوكێ، وهاتنە پێشوازی كرن ژلایێ رێڤەبەرێ بەشێ كاروبارێن یاسایی یێ رێڤەبەریا هاتنوچوونا دهوكێ عەقیدێ مافپەروەر بەرێز (بنار سردار زهدی) و هژمارەکا ئەفسەرێن رێڤەبەریێ ڤە، پشتی گەریانەکێ دناڤا هژمارەکا پشکێن رێڤەبەریێ دا کری ل هولا کومبونان عەقیدێ مافپەروەر  باس ل چاوانیا کارێ رێڤەبەریا هاتنوچوونێ كر و چەوانیا مفا وەرگرتن ژ تەکنولۆژیا سەردەم و خزمەتکرنا هاولاتیان و پاراستنا ئێمناهیا دەڤەرێ و هەڤکاریا دگەل لایەنێن پەیوندیدار و رێکار و سەرەدەریا دگەل مامەلێن ولاتیان.