کولیژا یاسا ل زانکویا جیهان - دهوک پەنەلەکێ زانستی ئەنجام دا
کولیژا یاسا ل زانکویا جیهان - دهوک پەنەلەکێ زانستی ئەنجام دا
ل روژا سێشهمبى رێكهفتى
(17-2-2026) كولیژا یاسا ل زانكویا جیهان - دهوك ب ههماههنگى دگهل ههر ئێك ژ بهشێ پهروهردا گشتى ل زانكویێ دگهل دهستهیا سهربهخۆ یا مافێن مروڤى ل دهوكێ رابوون ب گێرانا پهنهلهكى ل ژێر ناڤ و نیشانێن (رهههندێن یاسایى، دهروونى و جڤاكى یێن كارێ نڤێسینگهها خواندنا كهسایهتى د دادگهها سنێلهیان دا).
ژبەری دەستپێكرنا پهنهلى ئامادەبووێن هێژا چەند چركەیەكان راوەستان وەك رێزگرتن بۆ گیانێ پاكێ شەهیدێن كوردستانێ، لدەستپێكێ راگرێ كولیژا یاسا پروفیسورێ هاریكار (د.رێبەر حسێن) پەیڤا بخێرهاتنێ پێشكێشكر و تیشكەك بەردا سەر گرنگیا رولێ نڤێسینگهها خاندنێن كهسایهتى. پاشان دەست ب تەوەرێن وركشوپی هاتە كرن.
ههژى گوتنێ یه كۆ ئهڤ پهنهله هاته ب رێڤهبرن ژلایێ بهرێز ماموستا (دلێر عبدالله حسن) سهروكێ دهستهیا مافێن مروڤى ل پارێزگهها دهوكێ، كۆ لدهستپێكێ رونكرنهكا گرنگ بهردا لسهر كارێ نڤێسینگهها خواندنێن كهسایهتى و چهوانیا چالاككرنا ڤێ نڤێسینگههێ و رولێ وێ د پاراستنا مافێن مروڤى دا بتایبهت مافێن سنێلهیان.
دتەوەرهكێ دیتر دا بەرێز دادوەر (ئهرشهد طاهر) باس ل بهایێ یاسایى یێ راپورتێن نڤێسینگهها خواندنێن كهسایهتى كر و كارتێكرنا وێ لسەر حوكمێ یاسایى یێ سنێلهیى و دیاركر كۆ دادگههـ گرنگیهكا مهزن پێ ددهن، پاشان بەرێز (د.طاهرة عبدالرزاق صادق) بهرپرسا نڤێسینگهها خاندنێن كهسایهتى ل سهروكاتیا دادگهها تێههلچوونا دهوكێ چهند روونكرن بهردان لسهر كار و ئەركێن ڤێ نڤێسینگههێ و چهوانیا ئهنجامدانا پشكنین و دیاركرنا بارێ دهروونى یێ سنێلهیى ژبهرى دادگههكرنا وى.
پاشان دەرگەهێ گەنگەشێ و پرسیاران هاتە ڤەكرن بۆ ئامادهبوویان، و لدوماهیا پهنهلى خەلاتێن رێزلێنانێ بۆ مێهڤانێن بەرێز هاتنە پێشكێشكرن ژلایێ بەرێز راگرێ كولیژا یاسا ڤە.
