خۆلا گه‌شه‌پێدانا مرۆڤى به‌رده‌وامه‌ ل ئیدارا سه‌ربخۆ یا زاخۆ

ل رێكه‌فتى 23/8/2025، د چارچووڤێ به‌رنامه‌ و پرۆژێ ده‌زگایێ زه‌كاتا زانستى ب سه‌رپه‌رشتى و پشته‌ڤانیا به‌رێز (پ.د.زیرڤان عبدالمحسن أسعد) سه‌رۆكێ زانكویا جیهان-دهوك ب مه‌ره‌ما خزمه‌تكرنا ته‌خ و چینێن جودا یێن جڤاكى، و به‌رده‌وامى دان ب خۆلا گەشەپێدانا کەسایەتی و شرۆڤه‌كرن ژ روویێ “جەستەیی، دەروونی، کۆمەڵناسی”، یا هاتیه‌ ڤه‌كرن ب هه‌ماهه‌نگى دگه‌ل په‌یمانگه‌ها ته‌كنیكى رواندز یا تایبه‌ت لقێ زاخۆ، دوو بابه‌تێن دى هاتنه‌ پێشكێشكرن ژلایێ :

ـ ڕاهێنەرێ خۆلێ (د.دژوار احمد) تایبەتمەند دبوارێ یاسایێن گشتی و راهێنه‌رێ گه‌شه‌پێدانا كه‌سایه‌تى.

ـ د. ئومێد سەگڤان. ڕاگرێ پەیمانگەها ناڤبری ل دۆر گرنگی و ڕۆلێ ژینگەها کۆمەلناسی سەبارەت ئاڤاکرنا كه‌سایه‌تیێ و شرۆڤەکرنا جۆرێن وێ ژ لایێ ( ئاینی و دابونەریتا و جیهانگیرییێ ) ب شێوێ تیۆری و پراکتیکی.

خۆل بۆ ماوێ حه‌فتیه‌كێ دێ یا به‌رده‌وام بیت و چه‌ندین وانه‌ و بابه‌تێن تیورى و پراكتیكى د هێنه‌ پێشكێشكرن.