ئه‌ڤرۆ رێكه‌فتى 11/8/2024، كولیژا یاسا ل زانكویا جیهان-دهۆك ب هه‌ماهه‌نگى دگه‌ل نڤیسینگه‌ها دهوك یا جڤاتا نوینه‌رێن عیراقێ روینشتنه‌كا گه‌نگه‌شه‌یى ل دۆر پێشنیار یاسا (یانه‌یێن وه‌رزشى یا عیراقێ) ئه‌نجامدا، ب ئاماده‌بوونا راگرێ كولیژا یاسا به‌رێز (پ.هـ.د.ریبر حسین یوسف)، و به‌رێز (د.دیار ته‌یب به‌روارى) جێگرێ سه‌رۆكێ لژنا وه‌رزشى و گه‌نجان یێ به‌رێ ل جڤاتا نوینه‌رێن عیراقێ، و به‌رێز رێڤه‌به‌رێ وه‌زرش و لاوان ل دهوكێ و سه‌رۆك یانه‌یێن وه‌رزشى ل دهۆكێ، و هژماره‌كا پسپۆرێن وه‌رزشى و ئه‌كادیمى د بوارێ وه‌رزشێ دا، دگه‌ل پشكداریا چه‌ند ماموستایێن وه‌رزشى ل كولیژێن یاسا و په‌روه‌ردا وه‌رزشى ل زانكویا دهۆك. ل ده‌ستپێكێ راگرێ كولیژا یاسا ل زانكویا جیهان-دهۆك، بخێرهاتنا ئاماده‌بوویان كر، و باس ل ناڤه‌رۆكا یاسا ناڤبرى كر ب مه‌ره‌ما تۆماركرنا پێشنیار و تێبینى و راسپاردێن جڤاتێ ل دۆر چاوانیا خزمه‌تكرن و پێشڤه‌برنا یاسا یانه‌یێن وه‌رزشى یێن عیراقى.