قوتابیێن خۆشتڤى:
ب هاریکاریا خودایێ مەزن و پشتەڤانیا کەس وکارێن هەوە و خەمخورى و رژدى یا هەوە، قوناغا درێژ هەوە دەربازکر و نوکە گەهشتنە قوناغا 3 و چار، لەوما ب مەرەما جێبەجێکرنا رێنمایێن وەزارەتا خواندنا بالا و ڤەکولینێن زانستى ژ بۆ ئەنجامدانا مەشقا هاڤینێ، و ژ بۆ سڤکرنا بارێ هەوە و ل بەرچاڤ وەرگرتنا رێنمایێن ساخلەمى و خۆ پاراستنێ، خشتەکێ جوان و رێک و پێک ژلایێ لژنا زانستى ل زانکویا جیهان-دهوک هاتیە دانان ژ بۆ چاوانیا بەشداربوون د خشتێ وورک شوپێن هاتینە دەستنیشانکرى دا.
لەوما قوتابیێن هێژا ڤان خالان ل بەر چاڤ وەرگرن:
ـ پێشکێشکرنا وورک شوپا ل دەمێ شەڤێ یە بۆ هندێ کارتێکرنێ ل قوتابیان نەکەت ئەگەر حەزا ئەنجامدانا کارەکى ب رۆژ هەبیت.
ـ هەر قوتابیەک ل دویف بەشێ خۆ دێ راپورتەکێ لسەر وى بابەتى چێکەت یێ د خشتەى دا ئاماژە پێ هاتیە کرن، کەواتە (هەر قوتابیەک دێ 5 راپورتا دروستکەت) و بۆ ئیمێلى بەشێ خۆ فرێکەت.
ـ هەر قوتابیەکێ پتر ژ 5 خولەکا ل وورک شوپى گیرو بیت یان ل ئێک ژ وورک شوپان بەشدار نەبیت، دێ دووبارە سالا بهێت مەشقا هاڤینێ ئەنجامدەت.
ـ قوتابیێن خۆشتڤى، ئەگەر قوتابیەک مەشقا هاڤینێ ئەنجام نەدەت، دێ بێ بەهر بیت ژ وەرگرتنا باوەرنامێ تا ئەنجام ددەت.
ـ دەمێ راپورتێ پێشکێش دکەت (ناڤێ وورک شوپى، ناڤى بابەتى، ناڤێ ماموستایى، ناڤێ قوتابى، بەش، قوناغ، گروپ) دێ هێتە دیارکرن.