ب پشتەڤانی و چاڤدێريیا بەردەوام يا بەرێز پ. د. زیرڤان عبدالمحسن أسعد، سەرۆكێ زانكۆیا جیهان–دهۆك، ژ پێخەمەت پێشئێخستنا پەیوەندیێن ئەكادیمی ل سەر ئاستێ نیڤدەولەتی و بەرزكرنا شیانێن مامۆستایان؛ د. محمد عبدالامیر، سەرۆكێ بەشێ سرکردنێ، سەرەدانەكا زانستی و مەیدانی یا پێشكەفتی بۆ كۆمەڵگەها پزیشكی یا "چۆنگچینگ هایفۆ" (Chongqing Haifu) ل وولاتێ چینێ ئه‌نجامدا. ئەڤ سەرەدانە ل چوارچۆڤێ خولەكا مەشقكرنێ یا نیڤدەولەتیدا هاتە ئەنجامدان.

د ڤێ سەرەدانێدا، ناڤهاتی پشكنین بۆ ژێرخانا ڤەكۆلین و گەشەپێدانێ ل كۆمپانییا (Chongqing Haifu Medical Technology) كر، كو بنگەهێ مێژوویی یێ شۆرەشا چارەسەرییا ب سۆنارا بەرزا چڕبووی (HIFU) یە، ئەوا ل جیهانێ ب "كێرا هایفۆ" تێتە نیاسین. ئەڤ تەكنۆلۆجیا پێشكەفتی رێكێ ددت كو گرێیێن سۆربووی و نەخۆش ب بێ نەشتەرگەری و ب بێ خوینبەربوون و ب بێ تیشكدانی بێنە ژناڤبرن.

دیڤدا سەرەدانا نەخۆشخانا "چۆنگچینگ هایفۆ" كر، كو مەزنترین سەنتەرێ جیهانی یە بۆ سووتنا گرێیان ب رێكا هایفۆ. ئەڤ ئەركێ نیڤدەولەتییە دەستپێشخەریەکە د بزاڤێن زانكۆیا جیهان–دهۆك دا بۆ گرێدانا ئەكادیمیایا پزیشكی یا كوردستانی ب سەنتەرێن جیهانی سەردەمیانە، كو رێكێ بۆ هەڤكاریێن ڤەكۆلینێ و ئاڵوگۆڕا زانستی د پاشەرۆژێدا خۆش دكەت.