قوتابیێن زانكویا جیهان-دهوك گه‌شته‌كا زانستى بۆ دادگه‌ها تێهه‌لچوونێ دهوك ئه‌نجامدا  قوتابیێن قوناغا ئێكێ ل كولیژا یاسا ل زانكویا جیهان-دهوك، گه‌شته‌كا زانستى بۆ دادگه‌ها تێهه‌لچوونێ دهوكێ رێكخست، ب سه‌رپه‌رشتیا د.ریبر حسین، راگرێ كولیژێ، ب مه‌ره‌ما ئاشنابوونا قوتابیان ب لایه‌نێ پراكتیكى یێ كارى، ژلایێ سه‌رۆكێ دادگه‌هێ پێشوازى لێ هاته‌كرن،به‌رێز دادوه‌ر به‌هزاد فه‌تحى ئه‌ترۆشى، پاشان هژماره‌كا چالاكیان ئه‌نجامدان ژ وان: ـ ئاماده‌بوونا قوتابیان ل ئێك ژ روینشتنێن دادگه‌ها تاوانان، ب مه‌ره‌ما فێربوونا چاوانیا برێڤه‌چوونا رێكارێن دادگه‌هكرنێ. ـ گوتاره‌ك ژلایێ دادوه‌رێ دادگه‌ها بارێ كه‌سایه‌تى به‌رێز (زیره‌ك محمد خالد) هاته‌ پێشكێشكرن، باس ل گرنگى و رۆلێ پیشه‌یى و یاسایى د كومه‌لگه‌هێ دا كر. ـ سه‌ره‌دانه‌ك بَو سه‌ندیكا پارێزه‌رێن دهوك ئه‌نجامدا، سمیناره‌ك هاته‌ پێشكێشكرن ژلایێ سه‌رۆكێ سه‌ندیكا پارێزه‌ران، و پارێزه‌ر دلیر بكر، خاتوون عائیشه‌ عبدالله، و شه‌ڤه‌نگ محمد، ل دۆر مه‌رجێن گرێدایى یاسا پیشه‌یى و بنیاتنانا كه‌سایه‌تیا پارێزه‌ره‌كێ سه‌ركه‌فتى. ـ پێشكێشكرنا خه‌لاتێ رێزلێنانێ بۆ سه‌رۆكێ دادگه‌ها تێهه‌لچوونێ لدۆر پێشوازیا گه‌رم و پێشكێشكرنا سمینار و ئاموژگاریێن گرێدایى پسپوریا یاسایێ