ل رێكه‌فتى 23/7/2024، ل دویف به‌رنامێ زه‌كاتا زانستى، به‌شێ زمانێ ئنگلیزى ل زانكویا جیهان-دهۆك كۆرسه‌كێ زمانێ ئنگلیزى ب دویماهى ئینا بۆ كارمه‌ندێن كه‌نالێ دهوك، كو بۆ ماوێ 3 حه‌فتیان یا به‌رده‌وام بوو. مه‌ره‌م ژ كورسى پێشكێشكرنا رێك و ئامرازێن هاریكار بۆ پێشڤه‌برنا زمانێ ئنگلیزى، بتایبه‌ت وان پشكدارێن حه‌زا فێربوون و بهێزكرنا زمانێ ئنگلیزى هه‌یى، هنده‌ك ژ بنه‌مایێن سه‌ره‌كى یێن فێربوونێ هاتنه‌ پێشكێشكرن، هه‌روه‌سا جه‌خت ل ئاخفتن و گه‌نگه‌شه‌یێن رۆژانه‌ ب زمانێ ئنگلیزى هاته‌ كرن، ب مه‌ره‌ما وێ چه‌ندێ ببیته‌ هانده‌ره‌ك بۆ بكارئینانا زمانى د ژیانا رۆژانه‌دا.  خزمه‌تكرنا جڤاكى ئێك ژ به‌هایێن سه‌ره‌كیێن زانكویێ یه‌، و ئه‌ڤ چالاكیه‌ هاندانه‌كه‌ بۆ ماموستایان كو شیان و به‌هره‌یێن خۆ د چالاكى و خزمه‌تێن جودا جودا یێن زانستى دا.