ل ڕێکەفتی 7/7/2026، ب دەستپێشخەری و ڕاسپاردەیێن بەڕێز (پ. د. زیرڤان عبدالمحسن أسعد) سەرۆکێ زانکۆیا جیهان-دهۆک، ژمارەیەکا باش یا پەرتووکێن هەمەڕەنگ ژ لایێ مامۆستا، ستاف و قوتابیێن زانکۆیێ ڤە هاتنە کۆمکرن و ب دیاری پێشکێشی پەرتووکخانەیا گشتی یا باژێرێ چەمچەمال هاتنە کرن.

ئەڤ پێنگاڤە پشتی وێ چەندێ دهێت کو د زڤستانا دەربازبووى دا، پەرتووکخانەیا ناڤبری بەر لافاوێن دژوار کەفتبوو و بەهرا پتریا پەرتووک و ئەرشیفێن د ناڤ دا ژناڤ چووبوون. لەورا زانکۆیا جیهان-دهۆک ب فەر زانی د ڤێ کارەساتێ دا دەستپێشخەر بیت د کۆمکرنا پەرتووکان دا ژ بۆ دووبارە ڤەژاندنا ڤێ پەرتووکخانەیێ.

هەژی گۆتنێ یە کو زانکۆیا جیهان-دهۆک ئێکەم زانکۆ بوو ل سەر ئاستێ کوردستانێ کو دەستپێشخەریا ڤی پرۆژەیێ مرۆڤایەتی و زانستی کری.