ل ڕێکەفتی 9/7/2026، د چارچۆڤێ چالاکییێن دەزگایێ زەکاتا زانستی ل زانکۆیا جیهان-دهۆک ڕێورەسمێن ب دوماهی ئینانا خولا کۆمپیوتەری و دابەشکرنا باوەرنامان ل سەر پشکداربووان هاتنە گێڕان.

ئەڤ خولە ل سەر بنەمایێ ئیمزاکرنا ڕێککەفتننامەکا لێکگەهشتنێ د ناڤبەرا زانکۆیێ و قایمقامیا قەزا سێمێلێ هاتبوو ڕێکخستن، ب هەماهنگی دگەل ناڤەندا وەرزش و لاوان یا سێمێلێ.

خول ل ڕێکەفتی 29/6/2026 بۆ هژمارەکا ئافرەت، قوتابی و دەرچوویان هاتبوو ڤەکرن، بۆ ماوێ دوو حەفتیان یا بەردەوام بوو و ژ لایێ مامۆستایێن بسپۆر (م. شيماء اسماعيل) و (م. دوزدار مهدي) ڤە هاتە پێشکێشکرن. ئارمانج ژ خولێ پێشڤەبرنا لایەنێ کرداری و پراکتیکی یێ بەشداربوویان بوو د ڤان تەوەرێن سەرەکی دا:

Microsoft Word: بۆ دروستکرن و رێکخستنا نڤیسین و دۆکیۆمێنتان.

Microsoft Excel: بۆ مامەلەکرن دگەل داتایان و شیکاریا ئاماری.

Microsoft PowerPoint: بۆ دروستکرنا نمایشێن پێشکێشکرنێ یێن پیشەیی.