ل رێكەفتی ٧ى گولانا ٢٠٢٦ێ، قوتابیێن قۆناغا چارێ ل كۆلیژا پەرستاری پڕۆژەیێن خۆ یێن ڤەکۆلینێن زانستی پێشكێش كرن. ئەڤ چالاكیە ب ئامادەبوونا هاریكارێ سەرۆكێ زانكۆیێ (پ.د.بیار محمدرشید عمر) و ئەندامێن لیژنەیا گەنگەشەیێ و مامۆستایێن سەرپەرشت ب رێڤە چوو. د سمینارێن خۆ دا، قوتابیان تیشك ئێخستە سەر رۆلێ گرنگێ ڤەکۆلینێن زانستی د پێشڤەبرنا زانیاریێن پزیشكی و چارەسەركرنا كێشەیێن ساخلەمیێ یێن سەردەم. هەروەسا ئەڤێ پێنگاڤێ نیشاندا كا چەوا قوتابی دشێن پشكدار بن د پێشخستنا کەرتێ پەرستاری ل سەر بنەمایێن زانستی و باشتركرنا خزمەتگوزاریێن ساخلەمیێ.