ل دویف راسپاردێن بەرێز (پ.د. زيرڤان عبدالمحسن أسعد) سەرۆکێ زانکویا جیهان-دهۆک، د چارچۆڤێ پرۆگرامێ هۆشیاریا گشتی دا، ل (14/6/2026)، سمینارەک ل سەر "کۆنترۆلکرنا نەخۆشیێن بەربەلاف و پاقژیا کەسایەتی" (Infection control and personal hygiene) هاتە ڕێکخستن.

ئەڤ سمینارە ژ لایێ بەڕێزان (د. لطيف محمد شناوة) و (د. محمد عبدالامير محمد صالح) هاتە پێشکێشکرن. تێدا باس ل هندێ هاتە کرن کو پاقژیا کەسایەتی بنگەهێ سەرەکی یێ چاڤدێریا ساخلەما نەخۆشانە، و جێبەجێکرنا ڕێنمایێن زانستی ژ لایێ ستافێ تەندروستی ڤە ڕێژەیا تووشبوونێ ب نەخۆشیان د نەخۆشخانەیان دا کێم دکەت، کو ئەڤ چەندە نەخۆشان و سیستەمێ تەندروستی دپارێزیت.

چالاکی ب ئامادەبوونا هژمارەکا مامۆستا و فەرمانبەران برێڤەچوو، و ب دانوستاندن و پرسیارێن ئامادەبوویان بابەت هاتە دەوڵەمندکرن.