ئەڤرۆ رێکەفتی (11/2/2024) به‌شێ زانستێن كومپیوته‌رى ل زانكویا جیهان-دهوك ووركشوپەک ئه‌نجامدا ل دۆر:

(Staff Portal , Clarivate, Scopus , Research Gate, LinkedIn , ORCID , Web of Science, University Moodle , Google Scholar, Science Citation Index SCI)

 ئارمانج ژ وورك شوپى نویكرن و پێشڤه‌برنا پلاتفۆرمێن زانستى و ئه‌كادیمى بۆ ستافێ ماموستایێن زانكویێ، كو ئه‌ڤه‌ ژى پێك دهێت بكارئینانا نویترین ته‌كنۆلۆژیا و ئامرازێن بوارێ ته‌كنۆلوژیا زانیاریان بۆ به‌رزكرنا پرۆسا فێربوون و فێركرنێ.

هه‌روه‌سا دێ جه‌خت ل وێ چه‌ندێ هێته‌ كرن ل دۆر شرۆڤه‌كرنا پێتڤى و دیزاینكرن و پێشڤه‌برنا به‌رنامه‌ و پرۆگرامێن فێركرنێ، دگه‌ل ئه‌نجامدانا راهێنانا بۆ ستافێ ماموستایان لسه‌ر چاوانیا بكارئینانا ڤان پلاتفۆرمان ب شێوه‌یه‌كێ كارا و كاریگه‌ر.

زێده‌بارى وێ چه‌ندێ ئه‌ڤ ووركشۆپه‌ گرنگیێ دده‌ته‌ باشتركرنا كوالیتیا فێركرنێ و خۆگونجاندنا قوتابیان دگه‌ل ڤان پلاتفۆرمان و كاریگه‌رى لسه‌ر پرۆسا فێركرنێ، وورکشۆپ بۆ ماوێ چوار رۆژان دێ بەردەوام بیت.