رۆژا دویماهیێ ژ خۆلا بهێزکرنێ بۆ مامۆستایێن قۆتابخانا کولیژا جیهان:

ل رێکەفتی (19/6/2022) ب شانازیفە دەزگایێ پەروەردەیی جیهان پشتی دوو حەفتیان ژ بەردەوامبوونا خۆلا بهێزکرنێ بدوماهی هات، هژمارەکا بابەتێن جۆڕا و جۆر هاتنە گەنگەشەکرن، وانەک هاتە پێشکێشکرن ژلایێ بەرێز مامۆستایێ هاریکار (محمد مؤيد) ژ بەشێ زمانێ ئنگلیزی ل دۆر چاڤدێریا پۆلا خواندنێ ب ڤی شێوەی هاتە پێشکێشکرن:

چاڤدێریا پۆلێ پێنگاڤەکا گرنگە بۆ ماموستا و قوتابیان د پێشئێخستنا فێرکرنێ و پرۆسا پەروەردەکرنێ دا، هەروەسا بو ئالگۆرکرنا سەربۆرێن ئەکادیمی یێن فێرکرنێ. ئەڤ پرۆسە دێ پێشوازیا ماموستایێن ب سەربور، سەرۆک بەشێن زانکۆیان، و ئەندامێن برێڤەبەرێن قوتابخانا کەت ئەوێن کو دخوازن کەلتورەکێ بهێز ئاڤاکەن دا ماموستا و ستافێن فێرکرنێ بشێن سەرەدانا پۆلێن وانەگۆتنێن یێن ئێک دوو بکەن و مفا ژ هەڤدوو وەربگرن. هەروەسا، چاڤدێریا پۆلان دهێتە ئەنجامدان ب رێکا فیدباکێن کارا و ئاڤاکەر کو دناڤدا خالێن ئەرێنی و نەرێنی د هەر پۆلەکا خواندنێ دا بهێنە دەست نیشانکرن .