به‌شێ زانستێن كۆمپیوته‌رى خۆله‌كا راهێنانێ بدویماهى ئینا  ل رێكه‌فتى 22/7/2024، به‌شێ زانستێن كومپیوته‌رى خۆله‌كا راهێنانێ ل ژێر ناڤ و نیشانێن (پێشڤه‌برنا شیانێن پێشكه‌فتى یێن كومپیوته‌رى ب رێیا زیره‌كیا ده‌ستكرد) بدویماهى ئینا، باس ل چه‌ندین ته‌وه‌رێن گرنگ دناڤا خۆلێ هاتنه‌ پێشكێشكرن ژ وان: 1. پێشڤه‌برنا (خوارزمیێن) زیره‌ك: فێربوونا چاوانیا درۆستكرن و بكارئینانا خوارزمیێن زیره‌ك بۆ شرۆڤه‌كرنا داتا و چاره‌سه‌ركرنا كێشێن ئالۆز. 2. به‌رنامێن فێربوونا ئامیرێت فێربوونا ئامیرا: بده‌ستڤه‌ئینانا شیانێن بكارئینانا فێربوونا ئامیران بۆ باشتركرنا كاركرنا سیسته‌م و به‌رنامێن جورا و جور. 3. فێربوونا كویر: تێگه‌هشتن د چاوانیا دروستكرن و بكارئینانا تورێن ده‌مارى یێن هویر بۆ نیاسینا نه‌خشه‌ و شرۆڤه‌كرنا وێنه‌ و ده‌قان.  هه‌روه‌سا مه‌ره‌م ژ خۆلێ بلندكرنا ئاستێ شیانێن پشكدارن بوویه‌ د بكارئینانا به‌رنامێن زیره‌كیا ده‌ستكرد ب شێوه‌یه‌كێ كاریگه‌ر و داهێنه‌ر د بوارێن جودا جودا یێن كاركرنێ دا.