خۆلا بهێزکرنا CV ل زانکویا جیهان-دهوک ب دوماهیک هات:
ئەڤرۆ رێکەفتى (1/7/2021) ب ئامادەبوونا بەرێز (پروفیسورێ هاریکار د.زیرڤان عبدالمحسن أسعد) سەرۆکێ زانکویێ رێ و رەسمێن بدوماهیک هاتنا خۆلا (زمانێ ئنگلیزى، زانستێن کومپیوتەرى، گەشەپێدانا مرۆڤى) هاتنە ئەنجامدان کو ب هەماهەنگى دگەل ئەنجومەنێ دهوک یێ ئێکەتیا ئافرەتێن کوردستانێ هاتبوو ڤەکرن بۆ 30 کچێن دەرچوویێن زانکو و پەیمانگەها، و ب بەرهەڤبوونا بەرێزان (بەهجەت ئاڤدەل) کارگێرێ لقێ ئێکێ پارتى دیموکراتى و کوردستان و بەرپەرسێ نڤیسینگەها جەماوەرى و پیشەیى، و بەرێز (بژار دێرکى) بەرپرسێ لژنا ناوچا تەناهى، و خانم (زەرى نەوزاد) بەرپرسا ئەنجوومەنێ دهوک یێ ئێکەتیا ئافرەتێن کوردستانێ، و بەرێز (چەکدار بەربهارى) نوینەرێ لژنا زانکو و پەیمانگەها یا ئێکەتیا قوتابیێن کوردستانێ، دگەل شاندێن دگەلدا، ژلایێ خۆ بەرێز سەرۆکێ زانکویێ د پەیڤەکێ دا پیروزباهیا بەشداربوویان کر و دووپات کر کو زانکو دێ هەر مینیت وەکو سازیەکا بلند ژ بۆ پێگەهاندن و ئاڤاکرنا کەسایەتى و رەوشەنبیرکرنا تەخ و چینێن جودا جودا یێن جڤاکى ب هەمى رەگەز و پێکهاتان، هەروەسا سوپاسیا ماموستایێن خۆلێ کر ب تايبەت بەشێ زمانێ ئنگليزى و بەشێ زانستێن كومپيوتەرى ژ بۆ ماندیبوونا وان د ماوێ رۆژانێن خولێ دا، پاشان پەیڤا ئەنجومەنێ دهوک یێ ئافرەتان هاتە پێشکێشکرن ژلایێ خانم زەرى نەوزاد سوپاس و رێزلینان ئاراستەیى سەرۆکاتیا زانکویێ کرن ژ بۆ دەستپێشخەریا وان ژ بۆ گرنگى دان ب تەخا رەگەزێ مێ ژ بۆ بهێزکرنا شیانێن وان یێن زانستى و ئەکادیمى و پێگەهاندنا وان ب رەوشەنبیرى و تەکنولوجیا سەردەم. هەژى یە بێژین (د.نەوروز رمضان خلیل) سەرۆک بەشا زمانێ ئنگلیزى پەیڤا ماموستایێن خۆلێ پێشکێشکر ئاماژە پێکر کو زۆر دلخۆش بوون د ماوێ 15 رۆژێن خولێ دا دگەل هەر 30 بەشداربوویان و ئامادەییا خۆ دەربرى ژ بۆ هەر پشتەڤانیەکێ ژ پێخەمەت فێرکرن و پێشڤەبرنا شیانێن زمانى ل هەر دەمەک و جهەکى بن. وپەیڤا دوماهیێ ژلایێ خانم (بەسنە) ئێک ژ پشکدارێن خۆلێ هاتنە پێشکێشکرن و سوپاسیا زانکویێ و ماموستایێن خولێ کر، ل دوماهیێ باوەرنامە لسەر خانمێن بەشداربوویێن خولێ هاتنە دابەشکرن.