رێ و رەسمێن ب دوماهیک هاتنا خۆلا ڕاهێنانێ ل دۆر رەوشەنبیریا دارایى - ئامادەکرنا ڤەکولینێن پێش وەخت یێن ئابورى ل زانکویا جیهان-دهوک هاتنە ئەنجامدان:
 رێکەفتى (29/6/2021) ب ئامادەبوونا بەرێز (پرۆفیسورێ هاریکار د.زێرڤان عبدالمحسن أسعد) سەرۆکێ زانکویێ، و بەرێز ئەندازیار (کوردو احسان) رێڤەبەرێ گشتى یێ وەبەرهێنانێ ل پارێزگەها دهوکێ، دگەل هژمارەکا سەرۆک بەش و ماموستا رێ و رەسمێن ب دوماهیک هاتنا خۆلا ڕاهێنانێ یا هاتیە ڤەکرن بۆ فەرمانبەرێن رێڤەبەریا ناڤبرى، خۆلا ناڤبرى د (7) روینشتناندا چەندین بابەتێن (ئابورى، کاگێرى، پلان، و رەشەنبیریا دارایى) ژلایێ ڕاهێنەرێن خۆلێ (پروفیسور د.طلال محمود) شارەزایێ دارایى یا گشتى، و بەرێز (پروفیسورێ هاریکار د.زیرڤان عبدالمحسن) تایبەمەتمەندێ کارگێریا دارایى هاتنە پێشکێشکرن.
د پەیڤا خۆ دا بەرێز سەرۆکێ زانکویێ ئاماژە ب دەستپێشخەریا زانکویا جیهان کر ژ بۆ خزمەتکرنا تەخ وچینێن جودا جودا یێن جڤاکى بتایبەت پێگەهاندن و پێشڤەبرنا شیانێن فەرمانبەران ژلایێ زانستى و ئەکادیمى ل رێڤەبەریێن سنورێ کارگێریا پارێزگەها دهوکێ، و د پلانێ دایە کو ئەڤ خۆلە د بەردەوام بن.
هەروەسا رێڤەبەرێ گشتى یێ وەبەرهێنانێ سوپاس و پێزانینێن خۆ ئاراستەیى سەرۆکاتیا زانکویێ کرن ژ بۆ ڤەکرنا ڤان جورە خۆلا و ئاماژە ب رولێ بەرچاڤ و سەرەکى یێ سازیێن خواندنێ کر ب تایبەت زانکویان ژ بۆ ب هەڤرا کارکرن و ئالوگورکرنا پێزانینان ب مەرەما گەهشتن ب ئارمانجا دەستنیشانکرى کو خزمەتکرنا جڤاکى ب شێوەیەکێ باشتر و سەردەمیانە. پاشان کورتە فلمەکێ دوکیومێنتارى ل دۆر رۆژانێن خۆلێ، و باوەرنامێن بەشداربوونێ هاتنە پێشکێشکرن.