زانكویا جیهان-دهۆك هژماره‌كا رێكه‌فتنامه‌یێن هه‌ڤكارى و لێكتێگه‌هشتنێ دگه‌ل سازیێن خواندنێ یێن گرێدایى وه‌زاره‌تا خواندنا بالا و ڤه‌كولینێن زانستى یا به‌غدا ئیمزاكرن
شانده‌كێ فه‌رمى یێ زانكویا جیهان-دهۆك ب سه‌رپه‌رشتیا به‌رێز (پ.د.زیرڤان عبدالمحسن أسعد) سه‌رۆكێ زانكویێ، سه‌ره‌دانه‌كا به‌رهه‌مدار بۆ پارێزگه‌ها به‌سرا ئه‌نجامدا، مه‌ره‌م ژ گه‌شتا ناڤبرى ئیمزاكرنا چه‌ندین رێكه‌فتنامه‌یێن زانستى و هه‌ڤكاریێ دناڤبه‌را زانكویا جیهان-دهۆك و هه‌ر ئێك ژ زانكویا به‌سرا، زانكویا معقل، و هژماره‌كا سازیێن ئه‌كادیمى یێن جودا جودا.
ل رۆژا ئێكێ، شاندێ ناڤبرى سه‌ره‌دانا زانكویا به‌سرا كر و ژلایێ هاریكارێ سه‌رۆكێ زانكویێ بۆ كارۆبارێن زانستى هاتنه‌ پێشوازیكرن دگه‌ل هژماره‌كا راگرێن كولیژێن ئاداب، په‌روه‌رده‌، و كارگێرى وئابوورى، و ل رۆژا دوویێ، هه‌ڤدیتن دگه‌ل سه‌رۆكێ زانكویا (ئه‌ل مه‌عقه‌ل) كرن، هه‌روه‌سا دگه‌ل سه‌رۆكێ كۆمه‌لا زانستى بۆ خواندنێن په‌روه‌رده‌یى یا به‌رده‌وام لقێ به‌سرا.
د سه‌ره‌دانێن ناڤهاتى دا، باس ل رێك و ئامرازێن هه‌ڤكارى و ئیمزاكرنا رێكه‌فتنامه‌یێن لێكتێگه‌هشتنێ یێن هه‌ڤپشك، و لێكگوهارتن به‌رهره‌ و شیانێن زانستى و ماموستا و قوتابیان، هه‌روه‌سا رێككه‌فتن لسه‌ر پێكئینانا لژنێن هه‌ڤپشك هاته‌ كرن دناڤبه‌را زانكویا جیهان-دهۆك و سازیێن ناڤبرى دا.