زانکویا جیهان-دهوک و گرنگى دان ب سازیێن پەروەردەیی:

زانکویا جیهان-دهوک ل دویف دەستپێشخەری و ڕاسپاردێن بەرێز (پ.هـ.د.زێرڤان عبدالمحسن اسعد) سەرۆکێ زانکویێ ژ بۆ گرنگى دان ب سازیێن پەروەردەیی،  پێشوازى ل هژمارەکا ماموستا و قوتابیێن پەیمانگەها میتان یا تایبەت ل دهوکێ کر، ژ بۆ گرنگى دان ب بهێزکرنا پەیوەندیان دگەل دام و دەزگا و سازیێن گرێدایى هەردوو وەزارەتێن خواندنا بالا و وەزارەتا پەروەردێ، ب مەرەما درێژەپێدان ب لێکگوهارتن و مفا وەرگرتن ژ شیانێن هەڤدوو، پاشان گەریانەک دناڤا بەش و یەکە و تاقیگەهـ و ژینگەها زانکویێ دا ئەنجامدا، هەروەسا ژلایێ مامۆستایێن بەشێن جودا جودا باس ل بابەت و تەوەرێن گرێدایی پشکێن پەیمانگەها ناڤبری هاتنە پێشکێشکرن، و ل دۆماهیێ ستافێ پەیمانگەهێ لۆگۆیێ رێزلێنانێ پێشکێشی سەرۆکاتیا زانکویێ کرن ژ بۆ پویتەدانا زانکویێ ب سازیێن کەرتێ پەروەردێ ب تایبەت پەیمانگەهێن پێنج سالی.