د چارچۆڤێ بەردەوامیا پڕۆژێن خزمەتگوزاری یێن زانکۆیا جیهان-دهۆک دا، و د بن سێبەرا پڕۆژێ دەزگەهێ (زەکاتا زانستی)، ب هەماهەنگی دگەل ناڤەندا وەرزش و لاوێن شێخان، خۆلەکا تایبەت و بێبەرامبەر ل ژێر ناڤ و نیشانێن "چەوانیا فێربوونا زمانێ‌ ئینگلیزیێ و کاریگەریا زمانێ ئینگلیزیێ لسەر کار و گەشەپێدانا گەنجان" ڤەکر.

ئەڤ خۆلە ل رۆژا ئێکشەمبی رێکەفتی 12/7/2026 دەستپێکر، و دێ بۆ ماوێ حەفتیەکێ بەردەوام بیت. ژ لایێ مامۆستا (م. دلشیر یونس) د هێتە پێشکێشکرن.

ئارمانج و مفایێن سەرەکی یێن خۆلێ:

ـ چارەسەرکرنا ئاریشەیێن سەرەکی یێن فێرخوازان د ئاخڤتنێ دا.

ـ ئاشناکرنا پشکداران ب ئامراز و تەکنۆلۆژیایێن سەردەم بۆ فێربوونەکا بلەزتر.

ـ بەرهەڤکرنا گەنجان بۆ دەستڤەئینانا کارێن باشتر د بازارێ کاری دا.

ـ بهێزکرنا شیانێن پەیوەندیکرنێ و زێدەکرنا باوەری ب خۆبوونێ د جڤاکی دا.