ل دویف راسپاردێن بەرێز (پ.د. زیرڤان عبدالمحسن أسعد) سەرۆکێ زانکۆیا جیهان-دهۆک، و ب مەرەما خزمەتکرنا تەخ و چینێن جودا یێن جڤاکی، د چارچۆڤێ بەردەوامیا پڕۆژێن خزمەتگوزاری یێن زانکۆیێ دا و د بن سێبەرا پڕۆژێ دەزگەهێ (زەکاتا زانستی)، ب هەماهەنگی دگەل ناڤەندا وەرزش و لاوێن سێمێل، خۆلەکا تایبەت و بێبەرامبەر ل ژێر ناڤ و نیشانێن "چەوانیا فێربوونا زمانێ‌ ئینگلیزیێ و کاریگەریا زمانێ ئینگلیزیێ لسەر کار و گەشەپێدانا گەنجان" ڤەکر.

ئەڤ خۆلە ل رۆژا ئێکشەمبی رێکەفتی 12/7/2026 ب فەرمی دەستپێکر، و دێ بۆ ماوێ حەفتیەکێ بەردەوام بیت. خۆل ژ لایێ مامۆستایێ پسپۆر د بەشێ زمانێ ئینگلیزی دا، مامۆستا (م. حسام نزار) د هێتە پێشکێشکرن.

ئارمانج و مفایێن سەرەکی یێن خۆلێ:

ب ڕێكا بکارئینانا ستراتیژیێن تایبەت بۆ شکاندنا بەربەستێن ئاخڤتنێ و ئاڤاکرنا شیانێن گفتوگۆیێ.

بکارئینانا ئامراز و تەکنۆلۆژیایێن نوو بۆ فێربوونەکا بلەزتر و کاریگەرتر.

بەرهەڤکرنا گەنجان بۆ دەستڤەئینانا کارێن باشتر د بازارێ کاری دا.

بهێزکرنا شیانێن پەیوەندیکرنێ و زێدەکرنا باوەری ب خۆبوونێ د ژیانا ڕۆژانە و جڤاکی دا.