زانكویا جیهان-دهۆك هاته‌ هه‌لبژارتن بۆ رێڤه‌برنا ئێک ژ پانێلێن كۆربه‌ندێ په‌روه‌رده‌یى كوردستان ل هه‌ولێرێ  ل رێكه‌فتى (1/8/2024) ب ئاماده‌بوونا وه‌زیرێ په‌روه‌ردا حكومه‌تا هه‌رێما كوردستانێ به‌رێز (ئالان حمه سعید) و هژماره‌كا پسپۆر و شاره‌زا و سه‌نته‌ر و سازیێن په‌روه‌رده‌یى لسه‌ر ئاستێ نافخۆ، هه‌رێمى، نیڤده‌وله‌تى، و ب ئاماده‌بوونا شانده‌كێ ده‌سته‌یا ئه‌مینداریا زانكویێن جیهان ب سه‌رپه‌رشتیا به‌رێز (د.نه‌وزاد یحیى باجگر)، دووه‌م كوربه‌ندێ په‌روه‌رده‌یى كوردستان ل هه‌ولێر برێڤه‌چوو، بۆ ماموێ دوو رۆژان یێ به‌رده‌وام بوو.  ب شانازیڤه‌ و ل دویف داخوازا رێكخه‌رێن كوربه‌ندێ، زانكویا جیهان-دهۆك هاته‌ هه‌لبژارتن بۆ برێڤه‌برن و رێكخستنا ئێك ژ پانێلێن گرنگێن ناڤا كوربه‌ندى ل ژێر ناڤ و نیشانێن " په‌روه‌رده‌ لسه‌ر بیست و ئێكێ دا: پێنجه‌م شوره‌شا پیشه‌سازى و كاریگه‌ریا وێ لسه‌ر سیسته‌مێ په‌روه‌ردێ (زیره‌كیا ده‌ستكرد وه‌ك نموونه‌)، ژلایێ به‌رێز (م.هـ.شاكر محمود عباس) رێڤه‌به‌رێ سه‌نته‌رێ زیره‌كیا ده‌ستكرد ل زانكویا جیهان-دهۆك، باس ل چه‌ندین بوارێن په‌روه‌رده‌ و فێركرنێ هاته‌ كرن بتایبه‌ت رۆلێ زیره‌كیا ده‌ستكرد د ئاسانكرن و پێشڤه‌برنا شیانێن په‌روه‌رده‌یى یێن ده‌زگایێن په‌روه‌رده‌یى و مامۆستا و قوتابیان ل كوردستانێ. هه‌روه‌سا خالا گرنگ، هژماره‌كا پسپۆرێن جیهانى یێن شاره‌زا د بوارێ په‌روه‌رده‌ و فێركرن و خوادن ئه‌زموونه‌كا سه‌ركه‌فتى د كۆربه‌ندێ دوویێ یێ په‌روه‌رده‌یى كوردستان پشكداربوون و بنه‌ما و فاكته‌رێن سه‌ره‌كى یێن هه‌بوونا په‌روه‌رده‌یه‌كا سه‌ركه‌فتى و به‌رهه‌مدار پێشكێشى ئاماده‌بوویان كرن.