ل سەر ڕاسپاردە و ڕێنمايێن بەڕێز (پ.د. زێرڤان عبدالمحسن أسعد)، سەرۆكێ زانكۆيا جيهان-دهوك، ب مەرەما پتر گرنگيدانێ ب پشكداری و ئامادەبوونا ئەكاديمى يا ستافێ مامۆستايان ل سەر ئاستێ نێڤدەولەتی، و د چارچۆڤێ بزاڤێن بەردەوام یێن زانكۆيێ بۆ ئاڤاكرنا پەيوەنديێن زانستی، (د. ژيان علي حاجي)، مامۆستا ل كۆليژا دەرمانسازی ل زانكۆيا جيهان-دهوك، پشكداري د دوو چالاكيێن ئەكاديمى يێن نیڤدەولەتی دا ل كەنەدا كر.

ل 10ێ تەمۆزێ، ناڤبرێ پشكدارى د پێشانگەها ڤەكۆلينان يا كۆليژا پزيشكى يا (تيمێرتي) ل زانكۆيا تورۆنتۆ كر وەكو ئەنداما هەلسەنگاندنێ بۆ پۆستەر و پێشكێشكرنێن زارەكی د بوارێن شێرپەنجە، جينات، و ڤەكۆلينێن كلينيكی دا. هەروەسا ل 21-22ێ تەمۆز/٢٠٢٦، پشكدارى د كۆنفرانسێ تورۆنتۆ يێ روبۆتان ل زانكۆيا تورۆنتۆ-ميسيسۆگا كر، كو تێدا بەحس ل ڕۆلێ گەشەسەندنێ يێ روبۆتان و ژيريا دەستكرد د بوارێن پزيشكى، ڤەكۆلينێن زانستى، و ڕاهێنانێن تاقيكەهان دا هاتە كرن.

ئەڤ پشكداريە ئاماژەیە ل سەر ڕۆلێ كاریگەر يێ زانكۆيا جيهان-دهوك د پێشئێخستنا شیانێن زانستی و ئەكاديمی يێن مامۆستايان دا و پپشتەڤانيكرنا وان بۆ ئامادەبوونێ د كۆنفرانس و چالاكيێن جیهانی دا.