د چارچۆڤێ پلانا ستراتیژی یا زانکۆیا جیهان-دهۆک دا بۆ بلندکرنا ئاستێ زانستی و پێشڤەبرنا شیان و ستافێ ئەکادیمی لسەر ئاستێ جیهانی، و ب پشتەڤانیا بەردەوام و دەستپێشخەریا بەرێز (پ.د.زیرڤان عبدالمحسن أسعد) سەرۆکێ زانکۆیا جیهان-دهۆک، بۆ ڕەوانەکرنا مامۆستایان بۆ دەرڤەی وەلاتی دا کو پشداریێ د کۆنفرانس و کوربەندێن نێڤدەوڵەتی دا بکەن، زانکۆیا جیهان-دهۆک پشداری د چالاکییەکا نێڤدەولەتی یا نوى دا ل وەلاتێ چینێ کر.

ل ڕێکەفتی ١٧ێ حوزەیرانێ، ل باژارێ (Chengdu) ل وەلاتێ چینێ، (د. لیلى محمد صالح) سەرۆکا بەشێ سرکردنێ (Anesthesia)، پشداری د سیمینارەکا زانستی یا نێڤدەوڵەتی دا کر ل بن ناڤ و نیشانێن:
"Digital and Intelligent Empowerment of Primary Healthcare"
(ب هێزکرنا شیانێن دیجیتالى و زیرەکیا چاڤدێریا ساخلەمییا سەرەتایی).

ئەڤ سیمینارە د چارچۆڤێ بەرنامێ ناڤدار یێ وەلاتێ چینێ یێ ناڤدار ب دەستپێشخەریا "کەمەر و ڕێک" (The Belt and Road Initiative) هاتییە ڕێکخستن، کو تێدا هژمارەکا مەزن یا پسپۆر، بەرپرس و شارەزایێن کەرتێ ساخلەمیێ ژ دەڤەرێن جودا جودا یێن جیهانێ وەک (ڕۆژهەڵاتا ناڤین، ئەفریقا، و ئەمریکایا باشوور) تێدا پشکدارن.

مەرەم ژ ڤێ سیمینارێ پێشڤەبرن و ئاڤاکرنا شیانان (Capacity building) بوو بۆ خزمەتگوزاریێن ساخلەمییا سەرەتایی د وەلاتێن گەشەپێدەر دا. ئەڤ پشکداریکرنا ماموستایا ناڤبرى نیشانا کارێ مەزن و گرنگیدانا بەردەوام یا سەرۆکایەتییا زانکۆیێ یە بۆ پێشڤەبرنا بەهرە و کواڵیتییا زانستی یا مامۆستایێن زانکۆیێ دا کو هەڤشێوێ ئاستێ جیهانی بن.