زانکۆیا جیهان-دهۆک رێورەسمێن ب دوماهیئینانا خۆلا رێکێن فێربوونا زمانێ ئینگلیزی ل سەنتەرێ پێشمەرگە یێ ڕەوشەنبیری ئەنجامدان

ل دویف ڕاسپاردێن بەڕێز (پ.د. زیرڤان عبدالمحسن أسعد) سەرۆکێ زانکۆیا جیهان-دهۆک، و د چارچۆڤێ بەردەوامیا پڕۆژێن خزمەتگوزاری یێن زانکۆیێ دا بۆ جڤاکی و د د چارچووڤێ پڕۆژێ دەزگەهێ (زەکاتا زانستی) دا، ل ڕۆژا چوارشەمبی ڕێکەفتی 22/07/2026، رێورەسمێن ب دوماهیئینانا خۆلا تایبەت و بێبەرامبەر یا رێکێن فێربوونا زمانێ ئینگلیزی ل سەنتەرێ پێشمەرگە یێ ڕەوشەنبیری هاتنە ئەنجامدان.

ئەڤ خۆلە ئەوا ل ڕێکەفتی 12/07/2026 دەستپێکری و ژ لایێ مامۆستا (م. ژیان معتصم)، مامۆستا ل بەشێ زمانێ ئینگلیزی دهاتە پێشکێشکرن، ب سەرکەفتن ب دوماهی هات. د د رێورەسماندا باوەرنامێن بەشداربوونێ ل سەر پشکداربوویان هاتنە بەلاڤکرن و ڕێز ل هەوڵ و ماندیبوونا مامۆستا و ڕێکخەرێن خۆلێ هاتە گرتن.