زانکویا جیهان-دهوک و پێشوازیا سالا نوى یا خواندنێ:
ئەڤرۆ رێکەفتى (30/8/2021) زانکویا جیهان-دهوک وەک ئامادەکارى بۆ پێشوازیا سالا نوى یا خواندنێ (2022-2021) ب دەستپێشخەریا بەرێز (پرۆفیسورێ هاریکار د.زیرڤان عبدالمحسن أسعد) سەرۆکێ زانکویێ روینشتەکا گەنگەشێ هاتە ئەنجامدان ل دۆر یاسا و ئەرکێن ماموستا ب مەرەما مفا وەرگرتن ژ ئامادەبوونا ماموستا دناڤا زانکویێ و هولێن خواندنێ دا و پرکرنا دەمێ بۆ هاتیە دەستنیشانکرن ب رێیا ئەنجامدانا چالاکیێن جورا جور (وانەگوتن، وچالاکیێن ناڤ و دەرڤەى هولێن خواندنێ، پێشکێشکرنا کور و سیمینار و وورک شوپ، ئەنجامدان و سەپەرشتیا ڤەکولین و بەلافکرنا وان، خزمەتکرنا تەخ و چینێن جودا یێن جڤاکى،...)  
مەرەم ژ ڤێ دەستپێشخەریێ خزمەتکرن و پێگەهاندنا قوتابیان وبلندکرنا ئاستێ زانین و فێربوونێ ب مەرەما بەرهەمئینانا قوتابیەکێ ژیر و پێگەهشتى و خودان بەرهەم ژ بۆ خزمەتکرنا جڤاکى و پرکرنا خواستا بازارى.
لەوما زانکویا جیهان-دهوک بۆ سالا نوى یا خواندنێ بەرنامە و پلانەکا تێر و تەسەل دارێشتى یە و پێشەنگ بیت د بیاڤێن جودا جودا وەکو سازیەکا گرنگا ئاڤاکرنا کەسایەتى قوتابى و تاکێن جڤاکى.