زانکویا جیهان-دهوک و پێشڤەبرنا پەیوەندیان دگەل سازیێن خواندنێ ل پارێزگەها دهوکێ:
ل رێکەفتى (6/9/2021) شاندەکێ زانکویا جیهان-دهوک یێ پێکهاتى ژ بەرێزان (پروفیسورێ هاریکار د.زیرڤان عبدالمحسن أسعد) سەرۆکێ زانکویێ، و بەرێز (پرۆفیسورێ هاریکار د.بیار محمدرشید عمر) ب یاوەریا بەرێز (پرۆفیسور د.ابراهیم أحمد سمو) راوێژکارێ دەستەیا ئەمینداریا زانکویێن جیهان، د سەرەدانەکێ بۆ پەیمانگەهێن پارێزگەها دهوکێ و هاتنە پێشوازیکرن ژلایێ ڕاگر و رێڤەبەرێن پەیمانگەهێن ل خوارێ دیارکرى:
ـ پەیمانگەها ئارارات و هاتنە پێشوازى کرن ژلایێ خانم (د.شرین حسنی) راگرا پەیمانگەهێ و ستافێ ئامادەبووى.
ـ پەیمانگەها رەند یا نەحکومى، وهاتنە پێشوازى کرن ژلایێ بەرێزان (ماهر بێسرى) سەرۆکێ لژنا بالا یێ پەیمانگەهێ، و بەرێز (ئەرشەد حاجی) رێڤەبەرێ پەیمانگەها ناڤبرى. 
ژلایێ خۆ شاندێ زانکویێ پیرۆزباهى ل ڕاگرا نوى یا پەیمانگەها ئارارات کر ب هەلکەفتا دەستبکاربوونێ و داخازا سەرکەفتنێ بۆ خواست، هەروەسا جەخت ل موکومکرنا پەیوەندیێن لسەر ئاستێ زانستى و ئەکادیمى و مفا وەرگرتن ژ شیانێن هەڤدوو د پێشڤەبرنا شیانێن ماموستایان و خزمەتکرنا قوتابیان.
هەر درێژەپێدان ب سەرەدانێن لسەر ئاستێ سازیێن خواندنێ شاندێ زانکویێ د سەرەدانا خودا بۆ پەیمانگەها رەند یا نەحکومى کر و دەستخوشى ل کار و خزمەتا وان یا بەرچاڤ د پێگەهاندنا قوتابیان و خزمەتکرنا جڤاکى کر.