ل ڕۆژا چوارشەمبی ڕێکەفتی 29/4/2026، د چارچۆڤێ پێشڤەبرنا په‌يوه‌نديێن زانستى و ئه‌كاديمى دا و ب مەرەما بهێزکرنا پەیوەندیان د ناڤبەرا بەشێن هەڤشێوە دا، شاندەکێ زانكۆيا جيهان-دهۆك کو پێکهاتبوو ژ هژمارەکا سەرۆک بەش و مامۆستایێن زانکۆیێ د پسپۆریێن (پەرستاری و زمانێ ئینگلیزی) دا، سه‌ره‌دانا په‌يمانگه‌ها چارستين یا تەکنیکی كر و ژ لایێ بەرێز (د. باوه‌ر شمس الدین) ڕاگرێ په‌يمانگه‌هێ ڤە هاتنە پێشوازیکرن.

د روونشتنه‌كا هه‌ڤپشك دا، باس ل چه‌ندین خالێن گرنگ هاتنه‌ كرن، ژ وان ژی:

🔹 هەماهەنگیا زانستی: بهێزکرنا پەیوەندیێن ئەکادیمی ب تایبەت د ناڤبەرا بەشێن وەک هەڤ یێن هەردو لایەنان دا.
🔹 رێككه‌فتنا لێكتێگه‌هشتنێ (MOU): دانانا بنەمایان بۆ ئیمزاکرنا رێککەفتنەکا فەرمی د پاشەڕۆژێدا.
🔹 بەردەوامیا خواندنێ: نیشاندانا رێکار و دەلیڤێن زانستی بۆ قوتابیێن پەیمانگەهێ دا کو بزانن کا دێ ب چ شێوە خواندنا خۆ ل زانكۆيا جيهان-دهۆك ته‌مام کەن.

ل دووماهيێ، ڕاگرێ په‌يمانگه‌هێ خۆشحاڵیا خۆ ب ڤێ سه‌ره‌دانێ ديار كر و ڕاگەهاند کو ئەڤ جۆرە هەماهەنگییە دێ بیتە ئەگەرێ بلندکرنا ئاستێ زانستی یێ قوتابییان.