زانکویا جیهان-دهوک ڕۆژا جیهانی یا زمانێ دایکێ بەرز ڕادگریت...
زانکویا جیهان-دهوک ب ئامادەبوونا بەرێز (پرۆفیسۆرێ هاریکار د.زێرڤان عبدالمحسن أسعد) سەرۆکێ زانکویێ، ڕۆژا جیهانی یا زمانێ دایکێ کو دکەڤیتە (21 شۆباتێ) بەرز ڕاگرت دگەل هژمارەکا سەرۆک بەش و ماموستا و قوتابیان، پەرتۆکخانا ئازاد هاتە ڤەکرن ل ژێر درویشمێ (پەرتۆکەکێ وەرگرە، و ئێکێ بهێلە) وەکو کارەکێ خۆبەخش ب دەستپێشخەریا بەرێز (سامان عومەر) ماموستایێ زانکویێ و تایبەتمەندێ خواندنێن ئێمناهیێ، د ڤان ڕێ و رەسمان دا بەرێز سەرۆکێ زانکویێ جەخت ل پشتەڤانى و پێشڤەبرنا گرنگى دان ب خواندنا پەرتۆکان کر و ئامادەییا زانکویێ دەربری ژ بۆ هەر هاریکارى و ئاسانکاریان ب مەرەما پەیداکرنا وێ تێگەهشتنێ کو پەرتۆک هەڤالە دگەل قوتابى و حەزا خواندنێ پەیدا بیت، ژلایەکێ دى بەرێز سامان عومەر خۆشحالیا خۆ دەربرى ژ بۆ رژدى و خەمخوریا زانکویێ ژ بۆ گرنگى دان ب شیان و بەهرەیێن قوتابیێن خودان نڤیسین و حەزا خواندنێ هەیى و ئەنجامدانا رێکخوشکەر و ئاسانکاریان بۆ قوتابیان ب مەرەما پەیداکرنا دەرفەتێن ئاسان بۆ خواندنێ.