زانکویا جیهان-دهوک و ب هێزکرنا پەیوەندیان دگەل سازیێن خواندنا بالا و ڤەكولينێن زانستى ل پارێزگەها دهوکێ:

ئەڤرۆ رێکەفتى (1/9/2021) ب هەلکەفتا دەستبکاربوونا سەرۆکێن نوى یێن زانکویێن پارێزگەها دهوکێ، شاندەکێ زانکویا جیهان-دهوک یێ پێکهاتى ژ بەرێزان (پرۆفیسورێ هاریکار د.زیرڤان عبدالمحسن أسعد) سەرۆکێ زانکویێ، و بەرێز (پرۆفیسورێ هاریکار د.بیار محمدرشید عمر) هاریکارێ سەرۆکێ زانکویێ بۆ کارۆبارێن زانستى، ب ياوەريا بەرێز (پرۆفیسور د.ابراهیم احمد سمو) راوێژکارێ دەستەیا ئەمینداریا زانکویێن جیهان، سەرەدانا هەرسێ زانکویێن حکومى (زانکویا دهوک،  زانکویا پولیتکەنیکى یا دهوک، زانکویا زاخۆ)، و هاتنە پێشوازیکرن ژلایێ بەرێزان (پ.هـ.د.داوود ئەترۆشى/ سەرۆکێ زانکویا دهوک)، (پ.هـ.د. ئارى عادل/ سەرۆکا زانکویا پۆلیتەکنیک یا دهوک)، (پ.د. ناظم سلیمان / سەرۆکێ زانکویا زاخۆ)، ژلایێ خۆ شاندێ زانکویا جیهان-دهوک پیرۆزباهى ل هەر سێ سەرۆک زانکویان کرن و داخازا سەرکەفتن و بەردەوامیێ بۆ خواست، هەروەسا ئاماژە ب پێشڤەبرن و بهێزکرنا پێگەهێ هەماهەنگیێ دناڤبەرا سازیێن خواندنا بالا ل پارێزگەها دهوکێ هاتە کرن ب تایبەت موکومکرنا پەیوەندیێن زانستى و ئەکادیمى ب مەرەما مفا وەرگرتن ژ شیانێن هەڤدوو بۆ بهێزکرنا شیانێن ماموستایان و بلندکرنا ئاستێ زانستى یێ قوتابیان، و بەرهەمئینانا نفشەکێ ئاڤکەر و خودان شیان بۆ پرکرنا خواستا بازارى.
زێدەبارى هەردوو ئاليان گەنگەشا ڕاگەهاندنا وەزارەتا خواندنا بالا و ڤەكولينێن زانستى سەبارەت دەستپێكرنا دەواما فەرمى يا سالا نوى يا خواندنێ (٢٠٢١-٢٠٢٢) ل دويف سالناما زانكويێ يا زانكو و پەيمانگەهێن ل رێكەفتى (١/٩/٢٠٢١)، هەروەسا باس پێنگاڤێن پێتڤى هاتە كرن ژلايێ زانكويان دەربارەى چاوانيا ب دەرفەت زانين و مفا وەرگرتن ژ دەمى د بەرژەوەندا پروسێسا فێركرنێ د ڤى بارودوخێ نەسەقامگير يێ ساخلەمى دا، وكاركرن ب رژدى لسەر پاراستنا گيانێ ماموستا و فەرمانبەر و قوتابيان ب رێيا جێبەجێكرنا بريار و رێنما و رێكارێن خۆ پاراستنێ يێن حكومەتا هەرێما كوردستانێ. 
هەروەسا باس ل کاراکرنا رێکەفتتنامێن لێک تێکەهشتنێ دناڤبەرا زانکویێن پارێزگەها دهوکێ هاتە کرن ب تایبەت دگەل زانکویێن تایبەت ژ بۆ مفا وەرگرتن د بوارێ (ستافێ ماموستایان، پرۆگرامێن خواندنێ، ئاڤاکرنا کەسایەتیا قوتابیان،...)