چەندین زانیارى ل دۆر بەشێ پەروەردا گشتى (بەشێ پەروەردا گشتى ل نێزيك بنياسە)
چەندین زانیارى ل دۆر بەشێ پەروەردا گشتى (بەشێ پەروەردا گشتى ل نێزيك بنياسە)
پ1/ مەبەست ژ ڤەکرنا بەشێ پەروەردا گشتى چى یە؟
پ2/ پەیاما بەشێ پەروەردا گشتى ژ چ پێک دهێت؟
پ3/ دیتنا بەشێ پەروەردا گشتى چى یە؟
پ4/ ئارمانجێن بەشێ پەروەردا گشتى چنە؟
پ5/ ئەرێ ئەگەر دەرچووم ل بەشێ پەروەردا گشتى دێ چ باوەرنامە وەرگرم، و چ کار پێ کەم؟
پ6/ ئەرێ سالا بورى (2021-2022) کونمرە چەند هاتیە وەرگرتن؟
پ7/ ئەرێ سالا بورى کریا خواندنێ بۆ ئێک سال چەند بوو، و چاوا دهاتە دان؟
پ8/ ئەرێ کێ ماف هەیە پێشکێشى بەشێ پەروەردا گشتى بکەت؟
پ9/ بەشێ پەروەردا گشتى ژ چەند پشکا پێک دهێت و چ بابەت دهێنە خواندن؟
پ10/ دێ شێم نموونەکێ ژ خشتێ ئەزموونا بینم؟
پ11/ کەنگى دێ دەرگەهێ پێشکێشکرنا فورما بۆ سالا نوى یا خواندنێ دەست پێ کەت؟
پ12/ دێ چاوا شێم پەیوەندیێ ب ئێک ژ ماموستایێن بەشى کەم؟
پ13/ ئەگەر من زانیاریێن زێدەتر بڤێن لسەر زانکویێ دێ شێم پەیوەندیێ ب کێ بکەم؟
پ14/ ئەگەر د شیاندابیت ناڤ و نیشانێن زانکویا جیهان-دهوک.
پ15/ زانکویا جیهان-دهوک یا باوەرپێکریە؟
پ16/ زانکویا جیهان-دهوک ژ چەند بەشان پێک دهێت؟
پ1/ مەبەست ژ ڤەکرنا بەشێ پەروەردا گشتى چى یە؟
بەرسڤ/ بەشێ پەروەردا گشتى:
ئەڤ بەرنامە هاتیە دروستکرن بۆ ئامادەکرنا ماموستا و سەرکردەیێن پەروەردەیى کو شیانێن وێ چەندێ هەبن بەرهنگارى مەرجێن نوى یێن جهێ کارى بن، هەروەسا ئەڤ بەرنامە ماموستایان ئامادە دکەت لسەر بنەما و رێکێن ئەکادیمى یێن هەرە باش و نویترین تیور د بوارێ فێرکرن و فێربوونێ دا. هەروەسا فێروبوونا زانستى ئەکادیمى و پراکتیکى د هەمى بەشێن پسپوریێن پەرورەدەیى یێن تایبەت، دگەل ڤێ چەندێ ژى، بکار ئینانا تەکنولوجیا ستاندارد یا پەروەردەیى یا نوى کو هەماهەنگ بیت دگەل هۆشیاریا جڤاکى بۆ کارکرن ل دام و دەزگایێن پەروەردەیى ل کەرتێ تایبەت و کەرتێ گشتى. ئەڤ بەشە دەرچوویێن ئامادەیى وەردگریت ب هەردوو لقێن (زانستى و وێژەیى). ماوێ خواندێ ل ڤى بەشى (4) سالە پشتى قوتابى ب دوماهیک دهێت باوەرناما بەکالوریوس ل پەروەردا گشتى دێ پێ هێتە پەخشین.
پ2/ پەیاما بەشێ پەروەردا گشتى ژ چ پێک دهێت؟
بەرسڤ/ پەیام
پێشکێشکرنا پەروەردەیەکا نایاب ب رێیا ئامراز و ستراتیجیەتێن داهێنان و داهێنەریێ بۆ سەرکردایەتیکرن و ڤەکولینێن پەروەردەیى. هەروەسا بکارئینانا ئاراستەیێن نوى ب رێیا فێرکرن و تەرخانکرنا زەمینەیەکێ وەکو شیانێن کاریگەر ل بونیادنانا جڤاکى.
پ3/ دیتنا بەشێ پەروەردا گشتى چى یە؟
بەرسڤ/ دیتن:
ب دەستڤەئینانا ئاستەکێ بلند ل بەشێن پسپورى یێن پەروەردەیى یێن پێشکەفتى. ب تایبەتى ئامادەکرنا نفشەکێ سەرکردە و بیرمەند یێ پەروەردەیى بۆ هندێ ببنە بنەمایەکێ موکوم بۆ بونیادنانا جڤاکەکێ زانستخوازى یێ سەردەمانە.
پ4/ ئارمانجێن بەشێ پەروەردا گشتى چنە؟
بەرسڤ/ ئارمانج:
ـ ئامادەکرن و پێگەهاندنا ستافەکێ پەروەردەیى یێ پرۆفیشینال کو ب شێوەیەکێ ئەرێنى سەرەدەریێ دگەل جڤاکى بکەن، هەروەسا هەبوونا شیانێن تەکنیکى یێن پێتڤى بۆ بەردەوامى دان ب گەشەیا پیشەیى ب رێیا پشت بەست ب پیڤەرێن ئەکادیمى و پێداویستیێن کومەلگەهێ سەردەمیانە.
ـ پێشکشکرنا ئەنجامێن هزرى و پەروەردەیى یێن نایاب کو رۆلەکێ ڕاستەوخۆ هەبیت یان ل پاشەرۆژەکا پرشنگدار دگەل پیشکەفتنا زانست و زانیاریان ب مەرەما پێشڤەبرنا کەرتێ پەروەردەیى.
ـ نویکرنا بەرنامێن ئەکادیمى یێن تایبەت بۆ خزمەتکرنا داخوازیێن جڤاکى بۆ پشکەفتنا زانستێ پراکتیکى، هەروەسا بکار ئینانا ڤى زانستى بۆ چارەسەرکرنا کێشەیێن پەروەردەیى و جڤاکى.
ـ رۆلەکێ باش د بلندکرنا شیانێن ماموستایان ل دەزگایێن پەروەردەیا گشتى و تایبەت ب رێیا پشتەڤانیکرن و هاریکاریکرن ب بەرنامە و خۆلێن پەروەردەیى یێن تایبەت بۆ بەردەستبوونا خزمەتگوزارى و راوێژکاریا تایبەت بۆ هندێ بەردەوام جڤاکى بەرەف پێشڤە ببەت د چارچووڤێ هەڤبەشیا ستراتیجى دگەل دەزگایێن پەروەدەیى یێن نافخۆ و نیڤدەولەتى.
ـ موکونکرنا رێکێن هاریکاریا زانستى و ڤەکولینێ دناڤبەرا زانکویێن نافخۆ و نیڤدەولەتى و وەزارەت و دەزگایێن دى ب رێیا بەشداربوون د کونفرانس و وورک شوپاندا د پسپوریا پەروەردەیى دا.
ـ ئەنجامدانا ڤەکولینێن زانستى یێن پەیوەندى هەیى دگەل پێتڤیێن کومەلگەهى ژلایێ ماموستا و قوتابیان.
پ5/ ئەرێ ئەگەر دەرچووم ل بەشێ پەروەردا گشتى دێ چ باوەرنامە وەرگرم، و چ کار پێ کەم؟
بەرسڤ/ باوەرناما بەکالوریوس بەشێ پەروەردا گشتى پشکا (دەرونناسى) یان (زمانێ ئنگلیزى)
دەرفەتا کارى:
ـ ماموستا ل قوتابخانێن بنەڕەت و ناڤنجى ل کەرتێن حکومى و تایبەت و قوتابخانێن نیڤدەولەتى.
ـ رێڤەبەرێ قوتابخانێ (کەرتێ حکومى و تایبەت) ل دگەل قوتابخانێن نیڤدەولەتى.
ـ سەرپەرشتیارێ پەروەردەیى یێ پسپور د کەرتێ تایبەت دا ل رێڤەبەریێن پەروەردەیى.
ـ رێڤەبەرێ دام و دەزگایێن پەروەردەیى ل کەرتێ حکومى.
ـ رێڤەبەرێ کارگێرى یان سەرۆکێ ئەنجومەنێ کارگێری ل دەزگایێن پەروەردەیى ل کەرتێ تایبەتێ نافخو و نیڤدەولەتى.
ـ نەخشەکێشان و پێشڤەبرنا رێکخراوێن فێرکاى و وەبەرهێنانا کەرەستێن ناڤەندێن فێرکارى یێن جورا و جور.
ـ کارکرن د بوارێ ئامادەکارى و گەشەپێدانا پرۆگرامێن خواندنێ.
ـ کارکرن ل رێکخراوێن نیڤدەولەتى و رێکخراوێن جڤاکى سڤیل بۆ پەروەردە و فێرکرن.
ـ کارکرن وەکو توێژەر ل دەزگایێن زانستى یێن پەروەردەیى و ڤەکولین و پەیمانگەه و ناڤەندێن رەوشەنبیرى.
ـ ب دەستڤەئینانا باوەرنامێن پیشەیى یێن بەرز و ئەکادیمى یێن جورا و جور ب تایبەتى پێشکێشکرنا وانا ل خواندنا بالا ل پاشەرۆژێ دا.
پ6/ ئەرێ سالا بورى (2021-2022) کونمرە چەند هاتیە وەرگرتن؟
بەرسڤ/ کێمترین کونمرە (معدل) هاتیە وەرگرتن (55%) بوو.
پ7/ ئەرێ سالا بورى کریا خواندنێ بۆ ئێک سال چەند بوو، و چاوا دهاتە دان؟
بەرسڤ/ کریا خواندنێ پشتى داکشاندنا وەزارەتا خواندنا بالا و ڤەکولینێن زانستى ب رێژا (15%) کریا خواندنێ بوو (1،488،000) دینار.
پ8/ ئەرێ کێ ماف هەیە پێشکێشى بەشێ پەروەردا گشتى بکەت؟
بەرسڤ/ دەرچوویێن پولا 12ێ ئامادەیى هەردوو لقێن (زانستى و وێژەیى)
پ9/ بەشێ پەروەردا گشتى ژ چەند پشکا پێک دهێت و چ بابەت دهێنە خواندن؟
بەشێ پەروەردا گشتى ل سالا ئێکێ ب شێوەیەکێ گشتى دهێتە خواندن، پێک دهێت ژ 2 کورسان، هەر کورسەکى هژمارەکا بابەتان دهێنە خواندن، پشتى قوتابى ب سەرکەفتیانە ل کورسێ ئێکێ و دووێ ب دوماهیک دهێت، ل قوناغا دووێ قوتابى دشێت پێشکێشى هەر ئێک ژ پشکێن ل خوارێ بکەت، ئانکو قوناغا دوو، سێ، چوار دبیتە پسپورى ل ئێک ژ پشکێن:
1. زمانێ ئنگلیزى
2. دەروونناسى
ـ پشکا زمانێ ئنگلیزى:
ـ بوارێن کارکرنێ:
زێدەبارى دەرفەتێن کارى یێن هاتینە دیارکرن، کارێ دەرچوویێن پشکا زمانێ ئنگلیزى، پێک دهێت ژ پێشکێشکرنا وانا وەک دیارترین و گرنگترین بوارێن کارکرنێ کو ب شێوەیەکێ گشتى ئێک ژ زمانێن جیهانى یە کو پتر دهێتە بکارئینان بۆ ئاخفتن و سەرەدەریکرنێ دگەل هەمى بوارێن ژیانێ لسەر ئاستێ جیهانێ، زمانێ ئنگلیزى یێ ئێک یان دووێ بیت دەربرینێ ژ زمانێ زانست و زانینێ دکەت. هەروەسا بوارێن دى یێن کارکرنێ وەرگێڕان ل کەرتێن حکومى (وەزارەت و دەزگایێن جودا جودا) یان کەرتێ تایبەت بۆ نموونە کومپانى و دەزگا و سازیێن کارکرنێ وەکو دەزگایێن میدیایى، نەخوشخانە، کومپانیێن گەشت و گوزار، فروکەوانى، پەیوەندیێن گشتى، هوتێل، زێدەبارى چەندین پێتڤیێن دى یێن کارێ رۆژانە.
پشکا دەروونناسى:
بوارێن کارکرنێ:
ـ پێشکێشکرنا رێنما و راسپاردێن دەروونى.
ـ کارکرن وەکو ڕاوێژکارێ دەروونى.
ـ ماموستایێ دەروونناسى ل قوتابخانا.
ـ کارکرن دگەل نەخوشخانێن کەرتێ حکومى.
ـ کارکرن ل کلینیکێن تەندرۆستى یێن دەروونى.
ـ کارکرن وەکو ڕاوێژکارێ کومەلایەتى ل باغچێن زارۆکان و قوتابخانە و پەیمانگەه و زانکویان.
ـ کارکرن ل ئوفیسەکا تایبەت ب پسپوریا دەروونناسى.
ـ کارکرن ل ناڤەند و دەزگایێن خزمەتگوزاریێن جڤاکى و خێزانى.
ـ زێدەبارى وێ چەندێ کو پەیوەندی ب گشت بوارێن ژیانێ و زانستێن دى هەیە.
پ10/ دێ شێم نموونەکێ ژ خشتێ ئەزموونا بینم؟
بەرسڤ/ نموونەک ژ کورسێ ئێک و دوو، قوناغا ئێک و دوو
پ11/ کەنگى دێ دەرگەهێ پێشکێشکرنا فورما بۆ سالا نوى یا خواندنێ دەست پێ کەت؟
ـ ماوێ بەلافکرن و وەرگرتنا فورما گرێدایە ژڤانێ ڕاگەهاندنا دەستپێکرنا وەرگرتنا قوتابیان بۆ سالا نوى یا خواندنێ (2022-2023) ژلایێ وەزارەتا خواندانا بالا و ڤەکولینێن زانستى.
پ12/ دێ چاوا شێم پەیوەندیێ ب ئێک ژ ماموستایێن بەشى کەم کو زانیاریان لسەر پسپوریا پەروەردا گشتى بزانم؟
ـ سەرۆک بەش/ 07514576995.
ـ ماموستایێ بەشى/ 07505090604
پ13/ ئەگەر من زانیاریێن زێدەتر بڤێن لسەر زانکویێ دێ شێم پەیوەندیێ ب کێ کەم؟
ـ بۆ پتر زانیاریان لسەر شێوازێ وەرگرتنا قوتابیان بۆ سالا بورى (2021-2022) تۆ دشێى پەیوەندیێ ب رێڤەبەریا وەرگرتن و تۆمارێ بکەى (07501882805).
پ14/ ئەگەر د شیاندابیت ناڤ و نیشانێن زانکویا جیهان-دهوک.
ـ زانکویا جیهان-دهوک دکەڤیتە تەناهى – حەوشکێ
ـ هەروەسا چەندین رێک دچنە زانکویێ، رێکەک ژلایێ جادا زرکا یا دچیتە کێڤەلا.
ـ و رێیا دى دناڤبەرا ئەڤرۆ ستى و تەناهیێ دا تا دگەهیتە وێستگەها کارەبێ پاشان بەرەف شقێن نەوروستى.
پ15/ زانکویا جیهان-دهوک یا باوەرپێکریە؟
بەرسڤ/ بەلێ ل هەردوو وەزارەتێن خواندنا بالا و ڤەکولینێن زانستى (هەرێما کوردستانێ) و (بەغدا)
یەکەم جار زانکویا جیهان-هەولێر هاتیە دامەزراندن ب بریارا ئەنجومەنێ وەزیرێن هەرێما کوردستانا عیراقێ ل رێکەفتى 25/2/2007 هەروەسا پشت بەستن ب یاسایا ئەنجومەنێ پەرلەمانێ کوردستانێ ل سالا 2004 و ب رەزامەندیا وەزارەتا خواندنا بلند و ڤەکولینێن زانستى ل هەرێما کوردستانێ ب نڤیسارا ژمارە ل (30/11/2006).
پاشان ب فەرمانا وەزارى یا وەزارەتا خواندنا بالا و ڤەکولینێن زانستى ل رێکەفتى (14/8/2013)ێ بریار هاتیە دان کو زانکویا جیهان بۆ سێ کەمپا بهێتە دابەشکرن (کەمپا زانکویا جیهان-دهوک) (کەمپا زانکویا جیهان-هەولێر) (کەمپا زانکویا جیهان-سلێمانى)، کو دهێتە نیاسین (زانکویا جیهان-دهوک).
هەروەسا دانپێدان پێ هاتیە کرن ژلایێ وەزارەتا خواندنا بالا و ڤەکولینێن زانستى یا عیراقى ب نڤیسارا ژمارە (ت ه/ک4632) ل (6/7/2017)، وەکو د فەرمانێ دا دیار.
پ16/ زانکویا جیهان-دهوک سالا بورى ژ چەند بەشان پێک دهات؟
زانکویا جیهان-دهوک هەر دەستپێکرنا وەرگرتنا قوتابیان بۆ سالا خواندنێ (2013-2014) تا نوکە ژ 10 بەشێن زانستى پێک دهێت ب ڤى شێوەى:
1- بەشێ شیکاریا نەخۆشیان
2- بەشێ مایکرۆبایۆلۆجی یا پزیشکی
3- بەشێ کیمیا ژیانی یا کلینیکی
4- بەشێ کارگێری کار
5- بەشێ ژمێریاری
6- بەشێ زانستێن دارایی و بانک
7- بەشێ زمانێ ئنگلیزی
8- بەشێ زانستێن کومپیوتەری
- بەشێ پەروەردا گشتی:
9- (پشکا دەروونناسی)
10 - ( پشکا زمانێ ئنگلیزی)
