پ1/ مەبەست ژ ڤەکرنا بەشێ کارگێرى کار چى یە؟

بەشێ کارگێرى کار ل زانکویا جیهان-دهوک ل سالا 2017ێ هاتیە دامەزراندن، و دەرچوویێن پولا 12ێ ئامادەیى هەردوو لقێن زانستى و وێژەیى وەردگریت، هەروەسا دەرچوویێت ئامادەییا بازرگانى و پەیمانگەهێن دوو سالى بەشێ کارگێرى کار، پشتى چوار سالێن خواندنێ قوتابى دێ باوەرناما بەکالوریوسێ وەرگرن، ئەڤ بەشە ل زانکویا جیهان دهێتە هژمارتن ژ بەشێن هەرە سەرکەفتى و گرنگ ژ بۆ نەهێلانا وێ روتینا رۆژانە د هەمى بیاڤاندا، ئەڤ بەشە وەسا هاتیە داریشتن تا کو زانیاریێن پێتڤى و ژێهاتى پێشکێشى قوتابیێن کارگیرى بکەت، کو هژمارەکا تەکنیک و ئامرازێن شرۆڤەکارى و چارەسەرکرنا گرفتێن کارێن جیاواز ب خوڤە دگریت دگەل راشتن و جێبەجێکرنا ستراتیژیێن کارى هەروەسا تێگەهشتنا پیشەیێن کارى.

پ2/ پەیاما بەشێ کارگێرى کار ژ چ پێک دهێت؟

دەرچوویێن ڤى بەشى دهێنە راهێنان و پێگەهاندن ب زانست و زانیاریێن نوى یێن کارگێرى ل دویڤ خواست و پێتڤی یا بازارێ کارى لسەر ئاستێ نافخو و هەرێمى و نیڤدەولەتى، ب رێیا دابینکرنا پرۆگرامەکێ زانستى یێ گونجایى دگەل جور و دلنیایى یا پیڤەرێن جیهانى و سەردەم، سەرەرایى پێشکێشکرنا ڤەکولین و شروڤەکرنان ژلایێ دەرچوویێن ڤى بەشى بۆ جڤاکى د پسپوریا کارگێرى و پێشڤەبرنا سیستەمێ رێڤەبرنێ و پشتەڤانیکرنا گەشەیا ئابورى یا گەل و وەلاتى.

پ3/ دیتنا بەشێ کارگێرى کار چى یە؟

پێشەنگ بوون د هەمى بیاڤێن کارگێرى دا، کو ببیتە سەرچاوەیێ زانستى و ئەکادیمى د زانستێ کارگێرى و دارایى دا، و بەرهەمئینانا پسپور و شارەزایان ل دویف پێتڤیا جڤاکى و ڤەدیتنا رێکێن کارگێرى یێن ژ هەژى بۆ هەمى بوارێن ژیانێ و رێکخستن و دروستکرنا کادرەکێ کارگێرى و نەهێلا روتینێ د کارى دا.

پ4/ ئارمانجێن بەشێ کارگێرى کار چنە؟

ـ ئامادەکرنا دەرچوویێن هەلگرێن پسپوریا پیشەیى بو خزمەتکرنا بوارێن کارگێرى د هەردوو کەرتێن گشتى و تایبەت دا.
ـ گرنگى دان ب تایبەتمەندى و شیانان بۆ پەیداکرنا داهێنان و نویخوازیێ بۆ رێڤەبەر و کارگێرێن پاشەرۆژێ.
ـ دابینکرنا هەمى پێتڤیێن قوتابیان یێن دبنە ئامراز بۆ کاراکرنا شیانێن دەرچوویان یێن زانستێن کارگێرى و دارایى کو بگونجن دگەل پیڤەرێن ژێهاتى و جورى.
ـ دەولەمەندکرنا زانیاریێن قوتابیان ب رێکا بەشداریکرنا دەرچوویان د پێشکەفتنا زانستى دا د بوارێن کارگێرى دا ب رێکا ئەنجامدانا ڤەکولینێن زانستى و دەستنیشانکرنا کێشان و ڤەدیتنا چارەسەریان بۆ کێشە و گرفتێن کارگێرى و پێشڤەبرنا زانستێ کارگێرى کار.
ـ ئەنجامدانا کور و سمینار و وورک شوپان و کەشت و کونفرانسێن زانستى د بوارێن زانستێن کارگێرى دا و گەنگەشەکرنا بابەت و پروگرامێن سەردەمیانە و راستڤەکرنا شاشیێن کارگێرى دناڤ جڤاکى دا.

پ5/ ئەرێ ئەگەر دەرچووم ل بەشێ کارگێرى کار دێ چ باوەرنامە وەرگرم، و چ کار پێ کەم؟
ـ پشتى قوتابى ب سەرکەفتیانە تمامکرنا چوار سالێن خواندنێ، باوەرناما بەکالوریوس ب پسپوریا کارگێرى کار دێ بۆ هێتە پەخشین، و دشێت د ڤان بوارێن خوارێ دا کار بکەت:

ـ رێڤەبەرێ کارگێرى
ـ رێڤەبەرێ دارایى.
ـ رێڤەبەرێ بەرهەمئینانێ
ـ رێڤەبرێ بازارکرنێ.
ـ رێڤەبەرێ کرینێ.
ـ رێڤەبەرێ بەنکا
ـ رێڤەبەرێ فرۆشیاریێ.
ـ رێڤەبەرێ پرۆژان.
ـ راوێژکارێ کارگێرى.
ـ رێڤەبەرێ پەیوەندیێن گشتى.
ـ وەبەرهێنەر.
ـ کارێن بازرگانى.

 

پ6/ ئەرێ سالا بورى (2021-2022) کونمرە چەند هاتیە وەرگرتن؟
ـ کێمترین کونمرە (معدل) ل سالا بورى هاتیە وەرگرتن (55%) بوو.

پ7/ ئەرێ سالا بورى کریا خواندنێ بۆ ئێک سال چەند بوو، و چاوا دهاتە دان؟

بەرسڤ/ کریا خواندنێ سالا بورى پشتى داکشاندنا وەزارەتا خواندنا بالا و ڤەکولینێن زانستى ب رێژا (15%) کریا خواندنێ بوو (1،696،000) دینار.

پ8/ ئەرێ کێ سالا بورى کێ ماف هەبوو پێشکێشى بەشێ کارگێرى کار بکەت؟

ـ دەرچوویێن پولا 12ێ ئامادەیى هەردوو لقێن (زانستى و وێژەیى).
ـ دەرچوویێن پەیمانگەهێن 2 سالى پشکێن (کارگێرى، کارگێرى پەترۆل و گاز).
ـ دەرچویێن پەیمانگەهێن 5 سالى پشکێن (ژمێریارى، کارگێرى).
ـ دەرچوویێن ئامادەیێن پیشەیى (لقێ بازرگانى).

پ9/ بەشێ کارگێرى کار ژ چەند پشکا پێک دهێت و چ بابەت دهێنە خواندن؟
ـ بەرسڤ/ بتنێ ژ بەشێ کارگێرى کار پێک دهێت، و ئێکە ژ بەشێن کولیژا زانستێن کارگێرى و دارایى، و بۆ سالا خواندنێ (2017-2018) قوتابى هاتنە وەرگرتن و تانوکە 2 گەرێن دەرچوونێ هاتینە ئەنجامدان.

بۆ نموونە هندەک ژ وان بابەتێن ل قوناغێن (1 تا 4) دهێنە خواندن، ئەڤە نموونەکە ژ کورسێ ئێکێ یێ هەر سالەکێ، زێدەبارى چەندین بابەتێن دى:

بنەمایێن کارگێرى
بنەمایێن ئامارێ
بنەمایێن ژمێریارى
زمانێ ئنگلیزى یا گشتى
کوردولوجى
شیانێن کومپیوتەرى
گەنگەشەیا زانستى

رێڤەبرنا بازارکرنێ
رێڤەبرنا ژێدەرێن مرۆڤى
شێوازێن چەنداتیێ
یاسا بازرگانى
کارگێریا دارایى
کارگێریا بەرهەئینانێ
ژمێریاریا حکومەتێ
رەفتارێن رێکخستنێ
رێکێن ڤەکولینێ

کارگێریا ئسترایتژى
زانیاریێن رێڤەبرنێ
رێڤەبرنا بەنکى
ڤەکولینێن دەرچوونێ

 

 

 

 

 

پ10/ دێ شێم نموونەکێ ژ خشتێ ئەزموونا بینم یى بەشێ کارگێرى کار؟

 

پ11/ کەنگى دێ دەرگەهێ پێشکێشکرنا فورما بۆ سالا نوى یا خواندنێ دەست پێ کەت؟

بەرسڤ/ چاڤەرێى رێنما و ڕاسپاردێن وەزارەتا خواندانا بالا و ڤەکولینێنە بۆ سالا نوى یا خواندنێ.

پ12/ دێ چاوا شێم پەیوەندیێ ب ئێک ژ ماموستایێن بەشى کەم؟

بریاردەرێ بەشى/ 07504397364

پ13/ ئەگەر من زانیاریێن زێدەتر بڤێن لسەر زانکویێ دێ شێم پەیوەندیێ ب کێ بکەم؟

ـ بۆ پتر زانیاریان لسەر شێوازێ وەرگرتنا قوتابیان بۆ سالا بورى (2021-2022) تۆ دشێى پەیوەندیێ ب رێڤەبەریا وەرگرتن و تۆمارێ بکەى (07501882805).

پ14/ ئەگەر د شیاندابیت ناڤ و نیشانێن زانکویا جیهان-دهوک.
ـ زانکویا جیهان-دهوک دکەڤیتە تەناهى – حەوشکێ
ـ هەروەسا چەندین رێک دچنە زانکویێ، رێکەک ژلایێ جادا زرکا یا دچیتە کێڤەلا.
ـ و رێیا دى دناڤبەرا ئەڤرۆ ستى و تەناهیێ دا تا دگەهیتە وێستگەها کارەبێ پاشان بەرەف شقێن نەوروستى.

 

پ15/ زانکویا جیهان-دهوک یا باوەرپێکریە؟
بەرسڤ/ بەلێ ل هەردوو وەزارەتێن خواندنا بالا و ڤەکولینێن زانستى (هەرێما کوردستانێ) و (بەغدا)
یەکەم جار زانکویا جیهان-هەولێر هاتیە دامەزراندن ب بریارا ئەنجومەنێ وەزیرێن هەرێما کوردستانا عیراقێ ل رێکەفتى 25/2/2007 هەروەسا پشت بەستن ب یاسایا ئەنجومەنێ پەرلەمانێ کوردستانێ ل سالا 2004 و ب رەزامەندیا وەزارەتا خواندنا بلند و ڤەکولینێن زانستى ل هەرێما کوردستانێ ب نڤیسارا ژمارە ل (30/11/2006).
پاشان ب فەرمانا وەزارى یا وەزارەتا خواندنا بالا و ڤەکولینێن زانستى ل رێکەفتى (14/8/2013)ێ بریار هاتیە دان کو زانکویا جیهان بۆ سێ کەمپا بهێتە دابەشکرن (کەمپا زانکویا جیهان-دهوک) (کەمپا زانکویا جیهان-هەولێر) (کەمپا زانکویا جیهان-سلێمانى)، کو دهێتە نیاسین (زانکویا جیهان-دهوک).
هەروەسا دانپێدان پێ هاتیە کرن ژلایێ وەزارەتا خواندنا بالا و ڤەکولینێن زانستى یا عیراقى ب نڤیسارا ژمارە (ت هـ/ک4632) ل (6/7/2017)، وەکو د فەرمانێ دا دیار.

 

پ16/ زانکویا جیهان-دهوک ژ چەند بەشان پێک دهێت؟

زانکویا جیهان-دهوک هەر دەستپێکرنا وەرگرتنا قوتابیان بۆ سالا خواندنێ (2013-2014) تا نوکە ژ 9 بەشێن زانستى پێک دهێت ب ڤى شێوەى:
1 . بەشێ شیکاریا نەخۆشیان
 2 .بەشێ مایکرۆبایۆلۆجی یا پزیشکی
.3 بەشێ کیمیا ژیانی یا کلینیکی
. 4 بەشێ کارگێری کار
. 5 بەشێ ژمێریاری
. 6 بەشێ زانستێن دارایی و بانک
. 7 بەشێ زمانێ ئنگلیزی
. 8 بەشێ زانستێن کومپیوتەری
9. بەشێ پەروەردا گشتی:
ـ پشکا دەروونناسی
ـ پشکا زمانێ ئنگلیزی

تێبینى:
 بۆ سالا نوى یا خواندنێ 2022-2023 زانکویا جیهان-دهوک پێشێشکى ڤەکرنا چەندین بەشێن دى یێن گرنگ کریە ل دویف پێتڤى و خواستا بازارى.