د چوارچۆڤێ پرۆگرامێ مەشقێن کلینیکی یێن هاڤینێ دا، قوتابیێن قۆناغا دووێ ل کۆلیژا پەرستاری یێن زانکۆیا جیهان–دهۆک بەردەوامیێ دەدنە وەرگرتنا وانێن خۆ یێن کرداری د ناڤ نەخۆشخانا ئازادی یا فێرکرنێ دا.

ئەڤ مەشقە دەلیڤەیەکێ ددەتە قوتابیان دا کۆ زانیاریێن خۆ یێن تیۆری یێن د قۆناغێن خواندنێ دا وەرگرتین بجهـ بینن د ناڤ ژینگەکا کلینیکی یا ڕاستەقینە دا، کۆ ئەڤە ژی هاریکارە بۆ پێشئێخستنا مۆڕال و بەهرەیێن وان یێن پەرستاریا کرداری و بەرزکرنا ئاستێ وان د پێشکێشکرنا چاڤدێریا ساخلەمیێ دا بۆ نەخۆشان دبن سەرپەرشتیا ستافێ پەرستاری یێن پسپۆر و شارەزا دا.

وەکی ڕێزلێنانەک بۆ پێگیری و خەمخوریا وان یا دیار د پەروەردەکرنا کلینیکی و سەرپەرشتیکرنا قوتابیان دا، ڕاگریا کۆلیژا پەرستاری، دکتۆرە ليلى محمد صالح، باوەرنامێن ڕێزلێنانێ پێشکێشی ڕێزداران (م. عباس محمد)، و (م. شرمین حسن حسین)، و (م. آزاد طه إبراهيم) کرن، بۆ ماندیبوون و پشتەڤانیا وان یا بەردەوام و ڕۆلێ وان یێ دیار د سەرکەفتنا پرۆگرامێ مەشقێن کلینیکی یێن هاڤینێ دا.