به‌شێ زانستێن كومپیوته‌رى ل زانكویا جیهان-دهوك ووركشوپه‌ك ئه‌نجامدا ژلایێ (پ.هـ.د.محمد أزهر عبداللگیف، ژ زانكویا مووسل - كولیژا ئه‌ندازیارى ل دۆر "ره‌وشه‌نبیرى و رۆلێ زیره‌كیا ده‌ستكرد د به‌لافكرنا ڤه‌كۆلین و رێنمایێن بلندكرنا پلێن زانستى یێن ماموستا و ڤه‌كوله‌ران"، هه‌روه‌سا تێگه‌هێ زیره‌كیا ده‌ستكرد هاته‌ شرۆڤه‌كرن و گرنگیا وێ د بوارێن جودا یێن ئه‌كادیمى و ڤه‌كولینان، د ته‌وه‌ره‌كێ دى دا، باس ل ره‌وشه‌نبیركرنا ماموستا و ڤه‌كوله‌ران هاته‌ كرن ل دۆر مفایێن دهێنه‌ پێش بۆ بكارئینانا زیره‌كیا ده‌ستكرد د كارێ نڤێسین و دویفچوون و ڤه‌كولینێ دا، وبهێزكرنا شیانێن وان دبكارئینانا ته‌كنیكان ب شێوه‌یه‌كێ كارا بۆ بده‌ستڤه‌ئینانا ئه‌نجامێن باشتر د به‌لافكرنا ڤه‌كولینان و گه‌هشتن ب پلێن زانستى و گه‌نگه‌شه‌كرنا چاوانیا كارتێكرنا زیره‌كیا ده‌ستكرد لسه‌ر پیڤه‌رێن پلێن ئه‌كادیمى یێن ماموستا و ڤه‌كوله‌ران، هه‌روه‌سا هه‌لسه‌نگاندنا رێك و ئامرازێن زیره‌كیا ده‌ستكرد.