پ1/ مەبەست ژ ڤەکرنا بەشێ ژمێریارى چى یە؟

بەشێ ژمێریارى ل زانکویا جیهان-دهوک ل سالا 2013 هاتیە دامەزراندن، و د گەشەکرن و بەرفرەهبوونێ دا یە، ئەڤ بەشە دەرچوویێن پولا 12ێ ئامادەیى لقێ زانستى ب خو ڤەدگریت هەروەسا دەرچوویێن ئامادەییا بازرگانى دهێنە وەرگرتن، ل ڤى بەشى باشتر ئەوە دەرچوو تا رادەیەکى شارەزایى ب زمانێ ئنگلیزى و کومپیوتەرى هەبیت دا چونکە دێ بیتە هاندەر کو قوتابى ب ساناهی د بابەتى بگەهیت و ژمێریاریا ئەلکترونى بو یا روون و ئاشکەرا بیت، ئەڤ بەشە زانینا ژمیریاریێ ب هەمى لقێن زانستى یێن ژمێریارى پێشکێشى قوتابیان دکەت ل دویف پیڤەرێن نیڤدەولەتى، و پیڤەرێن ووردبینى یا نیڤدەولەتى و ژمێریاریا تێچوون و سیستەمێ زانیاریێن ژمێریارى دگەل ژمێریارى یا ئەلکترونى فێرى قوتابیان دکەن، خواندن ل ڤى بەشى سیستەمێ وەرزى یە، ئانکو بۆ هەر سالەکێ دوو وەرزە، هەروەسا دەرچوویان باوەرناما بەکالوریوسێ ب زانستێن ژمێریارى پێ دهێتە پەخشین، کو ئەڤە دبیتە پالدەرێ قوتابیان بۆ کارکرنێ د کەرتێ حکومى و تایبەت دا.

پ2/ پەیاما بەشێ ژمێریارى ژ چ پێک دهێت؟
پەیاما بەشى
پەیاما بەشێ ژمێریارى پێک دهێت ژ بەشداریکرنا کاریگەر یا دەرچوویان لسەر بنیاتێ هزرى و دووپاتکرنا شیانێن پیشەیى  د بوارێ ژمێریارى دا بۆ پرکرنا پێتڤیێن خواست و داخوازیێن بازارێ نافخو، هەروەسا خزمەتکرنا بابەتێن گەشەپێدان و چارەسەرکرنا کێشە و گرفتان، و بەردەوام جەخت دکەتە سەر کوالیتى و دەرئەنجامێن پروسا فێرکرن و ڤەکولینێن بەردەوام ب گورەى پیڤەرێن کوالیتى یا نافخو و نیڤدەولەتى.

پ3/ دیتنا بەشێ ژمێریارى چى یە؟

دیتنا بەشێ ژمێریارى
بەشێ ژمێریارى ببیتە ئێک ژ ناڤەندێن سەرەکى و پێشەنگ بیت د پروگرامێن خواندن و ڤەکولینێن زانستى د بوارێن ژمێریارى و زانستێن ژمێریاریا ئەلکترونى و خزمەتکرنا داخوازیێن بازارێ کارى و کومەلگایى بکەت، ب شێوەیەکى بگونجیت دگەل پیڤەرێن نافخو و هەرێمایەتى و جیهانى، و بەرهەڤکرنا دەرچوویەکى یێ خودان پێزانین د بوارێن تیورى و پراکتیکى بۆ پێزانینێن دراڤى و نە دراڤى بۆ گەهشتن ب چارەسەریێن کارێن سەرکەفتى.

پ4/ ئارمانجێن بەشێ ژمێریارى چنە؟
ئارمانجێن بەشێ ژمێریارى
ئارمانجا سەرەکى بەشێ ژمێریارى ئامادەکرنا کادرێ ژمێریارى یێ  پیشەیى و کەشەکێ زانستى یێ گونجایى بۆ قوتابیان دابین بکەت، کو تێدا قوتابى بگەهیتە ئەزموونەکا جیاواز و پێویست بۆ سەرکەفتنا ئەکادیمى، هەروەسا دەرچوویێن ڤى بەشى فێرى چاوانیا بکارئینانا دروست یا کومپیوتەرى د بوارێن ژمێریارى دا ب رێیا وانەگوتنێن تایبەتمەند ب کەتکنولوجیا زانیاریا ب درێژاهیا هەر چوار سالێن خواندنێ دا، هەروەسا ئەڤ ئارمانجێن ل خوارێ بخوڤە دگریت:
ـ ئامادەکرنا قوتابیان و پێگەهاندنا وان لسەر ئاستەکێ بلند یێ تیورى و پراکتیکى دەربارەى پسپوریا ژمێریارى، کو بگونجیت دگەل کاروانێ گەشەپێدانا ئابورى و خواست و داخوازیێن بازارێ کارى ل گشت بەشێن جیاوازێن کەرتێ گشتى و تایبەت دا.
ـ هاندانا قوتابیان بۆ ئاڤاکرن و گەشەپێدانا شیانێن هزرى و پێزانینان د بوارێن تەکنولوجیا سەردەم ب تایبەت کومپیوتەرى و بکارئینانا وان ل بوارێن زانستى یێن پەیوەندى ب پسپوریێن ژمێریارى ب مەرەما گەهشتن ب بەرهەمێ زانستى لسەر ئاستەکێ بلند.
ـ قوتابى وەسا دهێنە راهێنان کو ب درێژیا 4 سالێن خواندنێ کو ئاگەهدارى دوماهیک پێشهاتان و زانیاریێن تایبەت  ب ڤى بەشى ڤە لسەر ئاستێ جیهانێ، پشتى دەرچوونێ دهێتە راهێنان کو ئارەزوویا دویفچوونا نویترین گورانکارى یێن گرێدایى ب زانستێ ژمێریارى.
ـ قوتابى فێرى زمانێ ئنگلیزى بیت، چونکە زمانێ ئنگلیزى ئامرازێ پەیوەندى و زمانێ ئاخفتنا زانستى و رەوشەنبیرى یە ل گەل جیهانێ، هەروەسا هاندەرە بۆ زانینا دوماهیک پێشهات و گورانکارى لسەر ئاستێ جیهانێ د ماوەیەکێ کورت دا.
ـ پشتەڤانى و ئامادەکرنا قوتابیان بۆ دروستکرنا ڤەکولینێن زانستى و بەشداربوون د کونفرانسێن زانستى یێن گرێدایى زانستێ ژمێریارى لسەر ئاستێ نافخو و هەرێمى و نیڤدەولەتى.
ـ دەرچوویێن بەشێ ژمێریارى شیانێن کارکرن ل سەر سیستەمێن ژمێریارى یێن سەردەم ب شێوەیەکى کو داخوازى و پێتڤیێن بازارى پر بکەن ب شێوەیەکى کو بشێن پاشەرۆژەکا پرشنگدار  بۆ خو و جڤاکى تومار کوم بکەن.       

پ5/ ئەرێ ئەگەر دەرچووم ل بەشێ ژمێریارى دێ چ باوەرنامە وەرگرم، و چ کار پێ کەم؟
پشتى چوار سالێن سەرکەفتى ب دوماهیک دهێن، قوتابى دێ بیتە هەلگرێ باوەرناما بەکالوریوسێ ب پسپوریا ژمێریارى کو ئێکە ژ بەشێن کولیژا کارگێرى و زانستێن دارایى.

هندەک دەرفەرتێن کارکرنێ یێن دەرچوویێن بەشێ ژمێریارى:

1.نڤیسینگەهێن رێکخستنا ژمێریارى
2.ژمێریار ل دەزگایێن حکومى و تایبەت
3.سەرپەرشتێ ژمیریارى ل کەرتێ تایبەت
4.شیرەتکاریا ژمێریارى ل دەزگایێن دادوەریێ

پ6/ ئەرێ سالا بورى (2021-2022) کونمرە چەند هاتیە وەرگرتن؟
سالا بورى (2021-2022) کێمترین کونمره هاتیە وەرگرتن (55%) بوو.

پ7/ ئەرێ سالا بورى کریا خواندنێ بۆ ئێک سال چەند بوو، و چاوا دهاتە دان؟
بەرسڤ/ کریا خواندنێ سالا بورى پشتى داکشاندنا وەزارەتا خواندنا بالا و ڤەکولینێن زانستى ب رێژا (15%) کریا خواندنێ بوو (1،696،000) دینار، و لسەر 4 قستا دهاتە دان.

پ8/ ئەرێ کێ ماف هەیە پێشکێشى بەشێ ژمێریارى بکەت؟
ـ دەرچوویێن پولا 12ێ ئامادەیى هەردوو لقێن (زانستى).
ـ دەرچوویێن پەیمانگەهێن 2 سالى پشکێن (ژمێریارى، کارگێرى بانکا).
ـ دەرچویێن پەیمانگەهێن 5 سالى پشکێن (ژمێریارى، کارگێرى).
ـ دەرچوویێن ئامادەیێن پیشەیى (لقێ بازرگانى).

پ9/ دێ شێم نموونەکێ ژ خشتێ ئەزموونا بینم و چ بابەت دهێنە خواندن ؟
بەرسڤ / خشته ل خوارى يه

پ10/ کەنگى دێ دەرگەهێ پێشکێشکرنا فورما بۆ سالا نوى یا خواندنێ دەست پێ کەت؟
بەرسڤ/ چاڤەرێى رێنما و ڕاسپاردێن وەزارەتا خواندانا بالا و ڤەکولینێنە بۆ سالا نوى یا خواندنێ.

پ11/ دێ چاوا شێم پەیوەندیێ ب ئێک ژ ماموستایێن بەشى کەم؟
بریاردەرێ بەشى/ 07504260759

پ12/ ئەگەر من زانیاریێن زێدەتر بڤێن لسەر زانکویێ دێ شێم پەیوەندیێ ب کێ بکەم؟
ـ بۆ پتر زانیاریان لسەر شێوازێ وەرگرتنا قوتابیان بۆ سالا بورى (2021-2022) تۆ دشێى پەیوەندیێ ب رێڤەبەریا وەرگرتن و تۆمارێ بکەى (07501882805).

پ13/ ئەگەر د شیاندابیت ناڤ و نیشانێن زانکویا جیهان-دهوک.
ـ زانکویا جیهان-دهوک دکەڤیتە تەناهى – حەوشکێ
ـ هەروەسا چەندین رێک دچنە زانکویێ، رێکەک ژلایێ جادا زرکا یا دچیتە کێڤەلا.
ـ و رێیا دى دناڤبەرا ئەڤرۆ ستى و تەناهیێ دا تا دگەهیتە وێستگەها کارەبێ پاشان بەرەف شقێن نەوروستى.

پ14/ زانکویا جیهان-دهوک یا باوەرپێکریە؟
بەرسڤ/ بەلێ ل هەردوو وەزارەتێن خواندنا بالا و ڤەکولینێن زانستى (هەرێما کوردستانێ) و (بەغدا)
یەکەم جار زانکویا جیهان-هەولێر هاتیە دامەزراندن ب بریارا ئەنجومەنێ وەزیرێن هەرێما کوردستانا عیراقێ ل رێکەفتى 25/2/2007 هەروەسا پشت بەستن ب یاسایا ئەنجومەنێ پەرلەمانێ کوردستانێ ل سالا 2004 و ب رەزامەندیا وەزارەتا خواندنا بلند و ڤەکولینێن زانستى ل هەرێما کوردستانێ ب نڤیسارا ژمارە ل (30/11/2006) پاشان ب فەرمانا وەزارى یا وەزارەتا خواندنا بالا و ڤەکولینێن زانستى ل رێکەفتى (14/8/2013)ێ بریار هاتیە دان کو زانکویا جیهان بۆ سێ کەمپا بهێتە دابەشکرن (کەمپا زانکویا جیهان-دهوک) (کەمپا زانکویا جیهان-هەولێر) (کەمپا زانکویا جیهان-سلێمانى)، کو دهێتە نیاسین (زانکویا جیهان-دهوک).

هەروەسا دانپێدان پێ هاتیە کرن ژلایێ وەزارەتا خواندنا بالا و ڤەکولینێن زانستى یا عیراقى ب نڤیسارا ژمارە (ت هـ/ک4632) ل (6/7/2017)، وەکو د فەرمانێ دا دیار.

پ15/ زانکویا جیهان-دهوک ژ چەند بەشان پێک دهێت؟ 
زانکویا جیهان-دهوک هەر دەستپێکرنا وەرگرتنا قوتابیان بۆ سالا خواندنێ (2013-2014) تا نوکە ژ 9 بەشێن زانستى پێک دهێت ب ڤى شێوەى:
1. بەشێ شیکاریا نەخۆشیان
 2.بەشێ مایکرۆبایۆلۆجی یا پزیشکی
.3 بەشێ کیمیا ژیانی یا کلینیکی
. 4 بەشێ کارگێری کار
. 5 بەشێ ژمێریاری
. 6 بەشێ زانستێن دارایی و بانک
. 7 بەشێ زمانێ ئنگلیزی
. 8 بەشێ زانستێن کومپیوتەری
9. بەشێ پەروەردا گشتی:
ـ پشکا دەروونناسی
ـ پشکا زمانێ ئنگلیزی

تێبینى:
 بۆ سالا نوى یا خواندنێ 2022-2023 زانکویا جیهان-دهوک پێشێشکى ڤەکرنا چەندین بەشێن دى یێن گرنگ کریە ل دویف پێتڤى و خواستا بازارى.