تێلەفون +(964) 750 188 2805
Apr 6, 2021 | دەنگ و باس
سەرەکی > گوتار > دەنگ و باس > بەرێز (د.ئارام محمد قادر) وەزیرێ خواندنا بالا و کولینێن زانستى ب سەرپەرشتیا شاندەکێ ئاست بلند د هەمبێزا زانکویا جیهان-دهوک دا
بەرێز (د.ئارام محمد قادر) وەزیرێ خواندنا بالا و کولینێن زانستى ب سەرپەرشتیا شاندەکێ ئاست بلند د هەمبێزا زانکویا جیهان-دهوک دا

بەرێز (د.ئارام محمد قادر) وەزیرێ خواندنا بالا و کولینێن زانستى ب سەرپەرشتیا شاندەکێ ئاست بلند د هەمبێزا زانکویا جیهان-دهوک دا:
ئەڤر رێکەفتى  (6/4/2021) ب ئامادەبوونا بەرێزان پروفیسورێ هاریکار (د.زیرڤان عبدالمحسن أسعد) سەرۆکێ زانکویێ و بەرێز (پروفیسور د.ابراهیم احمد سمو) راوێژکارێ دەستەیا ئەمینداریا زانکویێن جیهان و گشت سەرۆک بەش و ماموستایان پێشوازى ل بەرێز (د.ئارام محمد قادر) وەزیرێ خواندنا بالا و ڤەکولینێن زانستى و شاندێ دگەل دا کر، پشتى راوەستیان دەقیقەک بێ دەنگى لسەر گیانێ شەهیدان، فلمەکێ دوکیومێنتارى ل دۆر وێستگەه و قوناغێن زانکویا جیهان تێدا دەربازى بووى هەر ژ دامەزراندنێ ل سالا 2013ێ تا نوکە هاتە پێشکێشکرن، پاشان بەرێز سەرۆکێ زانکویێ د پەیڤەکێ دا خۆشحالیا خۆ دەربرى ژ بۆ هاتنا جەنابێ وەزیرى بۆ پارێزگەها دهوکێ و زانکویا جیهان-دهوک و بەرێزێن دگەلدا. ل تەوەرەکێ دى دا ئاماژە رەوشا ساخلەمیى یا ئەڤرۆ  کو ستافێ ماموستا و فەرمانبەر و قوتابى و گشت خەلک تێدا دەرباز دبن، و هیڤى خواست کو زویترین وەخت ژ ڤێ پەتایێ رزگار بین. ژلایەکێ دى ڤە باس رولێ زانکویێ کر و خزمەتکرنا تەخ و چینێن جودا جودا یێن جڤاکى و هەولدان بۆ خورتکرنا پەوەندیان دگەل دام و دەزگایێن حکومەتێ،  ل دوماهیێ جەخت ل وێ چەندێ کر کو زانکویا جیهان پاپەندە ب هەمى رینمایین وەزارەتا خاندنا بلند و ڤەکولین زانستى. و دەست خوشیى ل وەزارەتا خاندنا بلند کر بو پەیرەوکرنا خاندنا ئاوێتە ل زانکویین کوردستانى وەک پینگاڤەکا سەرکەفتیانە بوو نە ژ دەست دانا سالا خواندنى ژ قوتابیان.
د تەوەرێ دووێ دا بەرێز وەزیرێ خواندنا بالا و ڤەکولینێن زانستى بەرێز د.ڕرام محمد قادر ئاماژە ب رول و پێگەهێ سەرەکى و بەرچاڤ یێ زانکویێن تایبەت ل هەرێما کوردستانێ کر، و جەخت ل وێ چەندێ کر کو زانکویێن تایبەت تمامکەرێن زانکویێن حکومینە، و خزمەتکا باش پێشکێشى پێتڤى یا بازارى و خەلکێ هێژا کر،  هەروەسا باسێ خواندنا ئاوێتە کر و دەستخوشى ل کار و ئەرکێن ماموستایان کر ژ بۆ ماندیبوونا وان یا بەردەوام د تمامکرنا سالا بورى دا و بەردەوامى دان بۆ کورسێ مایى یى سالا خواندنێ، دیسان ئاماژە ب هەڤکارى و هەماهەنگیا وەزارەتێ کر دگەل زانکویێن تایبەت ب مەرەما بلندکرنا ئاستێ زانستى یێ قوتابیان و گرنگى دان ب لایەنێ دلنیایى جورى ژ بۆ گەهشتن ب پیڤەرێن ستاندارد و بەرز بلند کو دەرئەنجام خزمەت و پێگەهاندنا قوتابیانە کو ڤەرێژا ڤان دەستکەفتان قوربانى دان و دلسۆزیا پێشمەرگێن قارەمان و شەهیدێن سەربەرزە، ژلایەکێ دى دەستخوشى ل وەبەرهێنەرێن گرنگیێ ب کەرتێ زانستى دکەن کر و سوپاس و رێزلینانێن خۆ ئاراستەیى وان کرن ژ بۆ خزمەتکرنا گەل و وەلاتێ خوو و پێشڤەبرنا ئاستێ زانست و زانینێ و دابینکرنا کادرێ ژێهاتى بۆ پرکرنا پێتڤى یا بازارێ کارى ل هەرێما کوردستانێ.
هەروەسا جەنابێ وەزیری ئاماژە وێ چەندێ کر کو گرۆپێ زانکویێن جیهان خزمەتەکا باش و گوهرین و پێنگاڤێن باش گرتینە بەر ژ بۆ گەهشتن ئاست و پیڤەرێن باش.
ل دوماهیا سوپاسیا زانکویا جیهان-دهوک کر ژ بۆ پێشوازیا ژ هەژى یا ل جەنابێ وان هاتیە کرن، وئامادەييا وەزارەتێ دەربرى ژ بۆ هەر پشتەڤانيەكێ د چارچوڤێ رێنماياندا ژ بۆ خزمەتكرنا لايەنێ زانستى و ئەكاديمى يێ ماموستا و قوتابيان و خزمەتكرنا دەڤەرا بادينان، هەروەسا تابلویەکێ هونەرى کو ژ دروستکرنا و نیگارکێشیا قوتابى (اسراء جاسم) ل بەشێ پەرورەدا هونەرى بۆ جەنابێ وەزیرى هاتە پێشکێشکرن، و ب رێزگرتن ڤە قەبوول کر و دەستخوشى ل قوتابیا بەهرەمەند کر.